وسى اپتادا وقۋ جىلىنىڭ ءبىرىنشى توقسانى اياقتالادى، دەپ حابارلايدى aqshamnews.kz
وقۋ-اعارتۋ مينيسترلىگى مەكتەپ وقۋشىلارى كۇزگى كانيكۋل كەزىندە نەشە كۇن دەمالاتىنىن جاريالادى.
"كۇزگى كانيكۋل كەزەڭى 2025 جىلدىڭ 27 قازانىندا باستالىپ، 2 قاراشانى قوسا العاندا جەتى كۇنگە سوزىلادى"، - دەلىنگەن رەسمي حابارلامادا.
وسىلايشا، مەكتەپ وقۋشىلارى كۇزگى كانيكۋل كەزىندە 7 كۇن دەمالادى. ال ولاردىڭ بوس ۋاقىتىن ءتيىمدى وتكىزۋ جانە جەكە تۇلعالىق قاسيەتتەرىن دامىتۋ ماقساتىندا "ادال ازامات" ءبىرتۇتاس تاربيە باعدارلاماسى اياسىندا ءىس-شارالار جوسپارى ۇسىنىلادى.
جوسپار پاتريوتيزم، ادىلەتتىلىك جانە جاۋاپكەرشىلىك سياقتى قۇندىلىقتاردى دامىتۋعا باعىتتالعان ءىس-شارالاردى قامتيدى:
"دەمالىستا كىتاپ وقيمىز" ءىس-شاراسى؛
"بۋللينگتەن قورعان! " قاۋىپسىزدىك ساباعى؛
"مەكتەپ تەاترىنىڭ" جۇمىسىن ۇيىمداستىرۋ.
وسى ورايدا مينيسترلىك ەڭ باستىسى بالالاردىڭ قاۋىپسىزدىگىن قامتاماسىز ەتۋ قاجەتتىگىن جەتكىزدى. ول ءۇشىن اتا-انالارمەن بىرگە جول-كولىك جاراقاتتارىنىڭ الدىن الۋ ءىس-شارالارىنا، مەكتەپتىڭ ىشكى ءتارتىبىن ساقتاۋ، بالالاردىڭ كوشەدەگى قاۋىپسىزدىگى، ۇيدەگى ءورت قاۋىپسىزدىگى جانە كيبەرقاۋىپسىزدىك شارالارىنا ەرەكشە نازار اۋدارعان ءجون.