رەسەيدىڭ ەكاتەرينبۋرگ قالاسىندا وقىپ جاتقان قازاقستاندىق ستۋدەنتتەر كوروناۆيرۋسقا قارسى ءدارى جاساۋعا ۇلەس قوسىپ جاتىر.
ورال فەدەرالدى ۋنيۆەرسيتەتىنىڭ ارنايى ورتالىعىندا مولەكۋلالار ستاندارتتالىپ، كەيىن دارىلىك زات شىعارىلادى. ماگيستراتۋرادا ءبىلىم الىپ جاتقان ستۋدەنتتەر عىلىمي جۇمىسپەن اينالىسىپ جاتىر، دەپ حابارلايدى Almaty-akshamy.kz.
ۆيرۋسقا قارسى پرەپاراتتان بولەك، ديابەتكە قارسى تۇرا الاتىن ءدارى جاسالىپ، ءقازىر كلينيكالىق زەرتتەۋدەن وتكىزىلىپ جاتىر.
«ءبىزدىڭ ورتالىقتىڭ ستراتەگيالىق ماقساتى- دارىلىك زاتتارعا اينالۋى مۇمكىن مولەكۋلالاردىڭ باعىتتالعان سينتەزى. وزىق تەحنولوگيالاردى دامىتۋ كوزدەلۋدە. ورتالىقتا بىرنەشە ماگيسترلىك باعدارلامالار جۇزەگە اسىرىلادى. ماگيستراتۋرادا شامامەن 120 ادام وقيدى. بۇل ستۋدەنتتەردىڭ بارلىعى ناقتى جوبالارعا قاتىسادى»، - دەيدى حيميا عىلىمدارىنىڭ كانديداتى اليسا كوزيسينا.