ءۇندىستاننىڭ چەنناي قالاسىندا ءوتىپ جاتقان شاحمات وليمپياداسىندا ەلىمىزدىڭ ەرلەر جانە ايەلدەر قۇراماسى جەتىنشى ويىنىن وتكىزدى، دەپ حابارلايدى Almaty-akshamy.kz Inform.kz-كە سىلتەمە جاساپ.
ەلىمىزدىڭ ەرلەر قۇراماسى 5 تامىزدا يسپانيادان 2،5:1،5 ەسەبىمەن باسىم ءتۇستى. ولاردىڭ قاتارىنان رينات جۇمابايەۆ، ارىستانبەك ورازايەۆ، قازىبەك نوگەربەك تەڭ تۇسسە، الىشەر سۇلەيمەنوۆ جەڭىسكە جەتتى.
ەرلەر قۇراماسى بۇعان دەيىن ليۆان مەن لاتۆيانى 4:0، جۇڭگو تايبەيىن 3:1، ماروككو مەن چەحيانى 2،5:1،5 ەسەبىمەن جەڭىپ، تاجىكستانعا 1،5:2،5 ەسەبىمەن ەسە جىبەرگەن-دى.
ءدال وسىنداي ەسەپپەن ەلىمىزدىڭ ايەلدەر قۇراماسى ۆەتنامدى جەڭدى. قۇراما ساپىنان جانسايا ابدىمالىك قارسىلاسىنان باسىم تۇسسە، ءبيبىسارا اساۋبايەۆا، گۇلىسحان ناحبايەۆا مەن نازەركە نۇرعالي تەڭ ناتيجەگە قاناعات ءبىلدىردى.
ال ايەلدەر قۇراماسى وتكەن تۋردا ازەربايجانعا 1:3 ەسەبىمەن جول بەرىپ قويدى. ولار بۇعان دەيىن پەرۋ، كۋبا مەن بەلگيانى 3:1، گۆاتەمالانى 4:0 جەڭىپ، موڭعوليامەن 2:2 ەسەبىمەن تەڭ ءتۇستى.