سونىمەن قاتار، مەكتەپتەردە تجم وكىلدەرى دە ارنايى ساباقتار وتكىزەدى.
ق ر پرەمەر-مينيسترى ءاليحان سمايىلوۆ مەكتەپ باعدارلاماسىنا جول قوزعالىسى ەرەجەلەرىن وقىتۋدى ەنگىزۋدى تاپسىردى، دەپ حابارلايدى Almaty-akshamy.kz
«ءبىلىم مينيسترلىگى ىشكى ىستەر مينيسترلىگىمەن بىرلەسە وتىرىپ، جول قوزعالىسى ەرەجەلەرىن وقۋدى ءبىلىم بەرۋ باعدارلاماسىنا مىندەتتى تۇردە ەنگىزۋ، بۇل جۇمىسقا جۇمىس ىستەپ تۇرعان ينسپەكتورلاردى تارتۋ ماسەلەسىن قاراستىرسىن»، - دەدى ءاليحان سمايىلوۆ.
جيىندا ىشكى ىستەر ءمينيسترى مارات احمەتجانوۆ 22 تامىز بەن 12 قىركۇيەك ارالىعىندا جولداردا بالالاردىڭ جاراقات الۋىن ازايتۋعا باعىتتالعان جەدەل-پروفيلاكتيكالىق ءىس-شارانى وتكىزۋ جوسپارلانىپ وتىرعانىن قوستى. بارلىق وڭىرلەردە جول بەلگىلەرىنىڭ، تاڭبالاردىڭ بولۋى، باعدارشامداردىڭ جۇمىسقا جارامدىلىعى تەكسەرىلەتىن بولادى. سونداي-اق مەكتەپ اۆتوبۋستارىنىڭ بالالاردى تاسىمالداۋعا رۇقساتى تەكسەرىلەتىن بولادى.
«سونىمەن قاتار، توتەنشە جاعدايلار مينيسترلىگىمەن بىرلەسىپ، مەكتەپتەردە ءورت، جەر سىلكىنىسى، لاڭكەستىك ارەكەتتەر – وسى جاعدايلاردا قالاي ارەكەت ەتۋ كەرەكتىگى جونىندە ارنايى ساباقتار وتكىزەمىز. سونىمەن قاتار، پوليسيا قىزمەتىنىڭ باسشىلارى مەكتەپتەردە ءقاۋىپسىز مىنەز-قۇلىق نەگىزدەرى بويىنشا ساباقتاردى ۇيىمداستىرادى»، دەدى مينيستر مارات احمەتجانوۆ.
بۇعان دەيىن ىشكى ىستەر مينيسترلىگىنىڭ باسشىسى قازاقستاندىق مەكتەپتەردە قانداي زاڭبۇزۋشىلىقتار انىقتالعانىن ايتقان بولاتىن.