قازاقستاندىق كاسىپقوي بوكسشى انگەلينا لۋكاس العاش رەت الەم چەمپيونى تيتۋلىن قورعاماق

 بۇل تۋرالى ول الەۋمەتتىك جەلىدە جازدى، دەپ حابارلايدى Almaty-akshamy.kz.

«25 تامىزدا ىستانبۇلدا العاش رەت الەم چەمپيونى اتاعىن قورعايمىن. ءقازىر مەن كاسىپقوي بوكستان قازاقستانداعى جالعىز الەم چەمپيونىمىن جانە ايەلدەر اراسىنداعى قازاقستاننىڭ كاسىپقوي بوكس تاريحىندا الەم چەمپيونى اتاعىن قورعايىن دەپ جاتقان جالعىز اداممىن.

سونداي-اق مەندە عانا ءۇش تيتۋل بار: UBO الەم چەمپيونى، WBC International، UBO International. بۇل مەنىڭ، ۇجىمىم مەن حالقىمنىڭ ورتاق ەڭبەگى دەپ ويلايمىن. قازاقستاندىق بوكس – الەمدەگى ەڭ ۇزدىك بوكس. حالىقارالىق ارەنادا سۇيىكتى وتانىمنىڭ تۋىن جەلبىرەتكەنىمدى ماقتان تۇتامىن.

مەن ستۋمايا مۋكاعا قارسى جەكپە-جەككە بار سالماقپەن قارايمىن، ول WBC، WBF، UBO، PST، ABU، WBC AFRICA تيتۋلدارى ءۇشىن كۇرەستى، ونىڭ بوكستاعى رەكوردى 7-3-0.

جەڭىسكە بەل بۋىپ، ءوزىمىزدىڭ قازاق بوكسىن كورسەتكىم كەلەدى. كەزدەسۋ 10 راۋندقا جوسپارلانعان، مەندە جاقسى وقۋ-جاتتىعۋ جيىنى، ساپالى دايىندىق بار. بۇل كاسىپقويداعى 5ء-شى جەكپە-جەگىم جانە تيتۋل ءۇشىن 4ء-شى جەكپە-جەگىم بولادى!

مەن تاريحتا قالۋعا جانە ءابسوليۋتتى الەم چەمپيونى بولۋعا تىرىسامىن! العا قازاقستان!»، - دەپ جازدى انگەلينا لۋكاس Instagram-پاراقشاسىندا.

ەسكە سالايىق، سپورتشى وسى جىلدىڭ مامىرىندا مەكسيكالىق انا اراسولادان WBC تۇجىرىمى بويىنشا الەم چەمپيونى تيتۋلىن جەڭىپ الدى.