جاس ماماندار بولاشاقتا ەلىمىزدىڭ عىلىمىنا ەلەۋلى ۇلەس قوسۋدى ماقسات ەتكەن.
رەسەيدە ورنالاسقان بىرىككەن يادرولىق زەرتتەۋلەر ينستيتۋتى اۋاداعى اۋىر مەتالداردى انىقتاۋ ءۇشىن فيكۋس پەن ەۆكاليپت دارىلەرىن جاساپ شىعاردى. جالپى اتالعان ينستيتۋتتا 18 ەلدىڭ عالىمدارى ەڭبەك ەتەدى، دەپ حابارلايدى Almaty-akshamy.kz.
ونىڭ ىشىندە قازاقستاندىق جاس عالىمدار دا بار.
سوڭعى 20-30 جىلدا بىرىككەن يادرولىق زەرتتەۋلەر ينستيتۋتىندا ءىرى، ىلكىمدى جوبالار قولعا الىندى. بەس جاڭا ەلەمەنت سينتەزدەلدى. مۇندا 100-گە جۋىق قازاقستاندىق عالىم ەڭبەك ەتىپ ءجۇر. جاس ماماندار بولاشاقتا ەلىمىزدىڭ عىلىمىنا ەلەۋلى ۇلەس قوسۋدى ماقسات ەتكەن.
«قازاقستاننان كەلگەن عالىمداردىڭ باسىم بولىگى يادرولىق رەاكسيالار زەرتحاناسىندا جۇمىس ىستەيدى. ولاردىڭ كومەگىمەن ءىرى زەرتتەۋلەر جاسالدى. ەندىگى جاڭا اسا اۋىر ەلەمەنتتەردىڭ جاڭا حيميالىق قاسيەتتەرىن زەرتتەۋ جۇمىستارى جۇرگىزىلۋدە»، - دەيدى يادرولىق رەاكسيالار زەرتحاناسىنىڭ ديرەكتورى سەرگەي سيدورچۋك.
زەرتحانا قولدانبالى سيپاتتاعى ىرگەلى زەرتتەۋلەر جۇرگىزەدى. سونىمەن قاتار، اۋىر يونداردىڭ ءارتۇرلى ماتەريالدارمەن ارەكەتتەسۋىن زەرتتەۋ جۇمىسى دا جوعارى دەڭگەيدە جۇرگىزىلۋدە.
«وسى لابوراتوريادا قازاقستاننان 21 ادام ەڭبەك ەتەدى. ونىڭ التاۋى PhD دارەجەسىنە يە. بارلىق قىزمەتكەرلەر ءارتۇرلى سالادا قىزمەت اتقارادى. ولار فۋندامەنتالدى فيزيكا، سونىڭ ىشىندە اتاپ ايتاتىن بولساق، اۋىر يادرولاردىڭ ءبولىنۋ كەزىندەگى بولاتىن پروسەسستەردى زەرتتەيدى. وسى قىزمەتكەرلەردىڭ بارلىعى دەرلىك قازاقستانداعى عىلىمي ينستيتۋتتارمەن تىعىز بايلانىستا»، - دەيدى عىلىمي قىزمەتكەر دانيار بەرىكوۆ.
زەرتحانا قىزمەتكەرلەرى قازاقستانداعى ءتۇرلى عىلىمي بايقاۋلارعا قاتىسىپ، جەڭىمپازدار قاتارىنان كورىنۋدە. سونىمەن قاتار 2019 جىلى الماتىداعى يادرولىق فيزيكا ينستيتۋتىمەن بىرىگىپ، نەيتروندى راديوگرافيا توموگرافيا قۇرىلعىسىن قۇردى. بۇل قازاقستانداعى انالوگى جوق جالعىز قۇرىلعى.