قازاقستاندىقتار دوحادا (كاتار) سپورتتىق گيمناستيكادان وتكەن ازيا چەمپيوناتىندا ەكى مەدال جەڭىپ الدى، دەپ حابارلايدى Almaty-akshamy.kz Inform.kz-كە سىلتەمە جاساپ.
قازاقستان گيمناستيكا فەدەراسياسىنان ءمالىم ەتكەنىندەي، ناريمان قۇربانوۆ ات سناريادىندا 14.800 ۇپايمەن كۇمىس جۇلدەگە يە بولدى. مۇندا يوردانيالىق گيمناست (15.255) جەڭىسكە جەتسە، قىتايلىق سپورتشى (14.600) قولا مەدالعا يە بولدى.
سونداي-اق، ميلاد كاريمي كەرمەدەگى جاتتىعۋدان 14.133 بالل جيناپ، قولا جۇلدەگەر اتاندى. ازيا چەمپيوناتىندا قازاقستاندىق قىزدار دا جاقسى ونەر كورسەتتى. قول تىرەپ سەكىرۋدە داريا ياسينسكايا ءتورتىنشى، كوركەم ەربوسىن قىزى التىنشى ورىنعا تابان تىرەدى.
وسىلايشا، سپورتتىق گيمناستيكادان قازاقستان ۇلتتىق قۇراماسى بيىل 28 قازان – 6 قاراشا ارالىعىندا ليۆەرپۋلدا (ۇلىبريتانيا) وتەتىن الەم چەمپيوناتىنا جولداما الدى.
ايتا كەتەيىك، ميلاد كاريمي وتكەن جىلى توكيو وليمپياداسىندا ب ا ق سىناعان بولاتىن.