دسم باسپا ءسوز قىزمەتىنىڭ مالىمەتىنشە، قازاقستاندا 4300-دەن استام ادام اعزا ترانسپلانتاسياسىن كۇتىپ وتىر، دەپ حابارلايدى aqshamnews.kz
جاقىن ارادا بالالارعا جۇرەك پەن باۋىر ترانسپلانتاسياسىن جۇرگىزۋ، سونداي-اق اعزا كەشەندەرىن ترانسپلانتاتتاۋ جوسپارلانعان. استاناداعى ۇلتتىق عىلىمي ونكولوگيا ورتالىعىندا اعزا دونورلىعى مەن ترانسپلانتاسياسىنىڭ ەۋروپالىق كۇنىنە ورايلاستىرىلعان «ءۇمىت سىيلاعان شەشىم» فورۋمى ءوتتى.
— ترانسپلانتولوگيانى دامىتۋ — دەنساۋلىق ساقتاۋ سالاسىنداعى مەملەكەتتىك ساياساتتىڭ ستراتەگيالىق باعىتى. بۇگىنگى كۇنى ترانسپلانتاسيا كوپتەگەن جاعدايلاردا اۋىر سوزىلمالى اۋرۋلاردى ەمدەۋدىڭ جالعىز ءتيىمدى ءادىسى بولىپ قالا بەرۋدە جانە پاسيەنتتەرگە تولىققاندى ءومىر سۇرۋگە مۇمكىندىك بەرەدى. ءبىراق ەڭ ماڭىزدىسى — قايتىس بولعاننان كەيىنگى دونورلىق جۇيەسىنە قوعامنىڭ سەنىمىن قالىپتاستىرۋ، — دەپ اتاپ ءوتتى دەنساۋلىق ساقتاۋ ءمينيسترى اقمارال ءالنازاروۆا.
بۇگىندە قازاقستاندا 4300-دەن استام ادام، ونىڭ ىشىندە 121 بالا اعزا ترانسپلانتاسياسىن كۇتىپ وتىر. ءاربىر دونور جەتى ادامنىڭ ءومىرىن ساقتاي الادى، سوندىقتان دونورلىق مادەنيەتتى دامىتۋ قوعام ءۇشىن ماڭىزدى مىندەتكە اينالادى.
2012 جىلى ەلىمىزدە العاشقى جۇرەك ترانسپلانتاسياسى جاسالعاننان بەرى قازاقستاندىق دارىگەرلەر باۋىر، بۇيرەك، جۇرەك، ءمولدىر قابىق، ال 2015 جىلدان باستاپ وكپە ترانسپلانتاسياسىن دا مەڭگەردى.
— جاقىن ارادا بالالارعا جۇرەك پەن باۋىر ترانسپلانتاسياسىن جۇرگىزۋ، سونداي-اق اعزا كەشەندەرىن ترانسپلانتاتتاۋ جوسپارلانعان.
ورتا ەسەپپەن جىل سايىن 200–300 پاسيەنتكە اعزا ترانسپلانتاسياسى جاسالادى. ءومىر ءسۇرۋ كورسەتكىشتەرى الەمنىڭ جەتەكشى كلينيكالارىنىڭ ناتيجەلەرىمەن سالىستىرىلادى: بۇيرەك رەسيپيەنتتەرىندە — 95–97%، باۋىر رەسيپيەنتتەرىندە — 85%، جۇرەك رەسيپيەنتتەرىندە — 86%.
جۇمىستى ۇيلەستىرۋ ءۇشىن بارلىق وڭىرىندەگى وكىلدىكتەرى بار رەسپۋبليكالىق ترانسپلانتتاۋدى ۇيلەستىرۋ ورتالىعى قۇرىلدى، — دەلىنگەن مينيسرلىك حابارلاماسىندا.
دەنساۋلىق ساقتاۋ جۇيەسىندە سيفرلاندىرۋ بەلسەندى دامۋدا: دونورلار مەن رەسيپيەنتتەردى ەسەپكە الۋدىڭ اقپاراتتىق جۇيەسى ەنگىزىلدى، ول دەرەكتەردى اۆتوماتتى تۇردە سالىستىرادى جانە «كۇتۋ پاراعىنداعى» پاسيەنتتەر ءۇشىن اعزالاردى ىرىكتەيدى.
سونىمەن قاتار، زاڭناما جەتىلدىرىلۋدە: «حالىق دەنساۋلىعى جانە دەنساۋلىق ساقتاۋ جۇيەسى تۋرالى» كودەكسكە جانە زاڭعا تاۋەلدى اكتىلەرگە قاجەتتى وزگەرىستەر ەنگىزىلدى.
الايدا اعزا دونورلىعىنىڭ جەتىسپەۋشىلىگى ءالى دە نەگىزگى ماسەلە بولىپ وتىر. قازاقستاندا قايتىس بولعاننان كەيىنگى دونورلىق دەڭگەيى تومەن كۇيىندە قالىپ وتىر، ال بۇل تۇيتكىلدى تەك بىرلەسكەن كۇش-جىگەر ارقىلى عانا شەشۋ مۇمكىن.
ساراپشىلاردىڭ ايتۋىنشا، شەشۋشى ءرول قوعامعا تيەسىلى. سوندىقتان دونورلىق جۇيەگە دەگەن سەنىمدى كۇشەيتۋ، ونىڭ ەتيكالىق نەگىزدەرىن ءتۇسىندىرۋ جانە قالىپتاسقان ميفتەردى سەيىلتۋ ەرەكشە ماڭىزدى.
بۇل ۇدەرىستە قاراپايىم شىندىقتى جەتكىزە الاتىن دارىگەرلەرگە، ءدىني قىزمەتكەرلەرگە، الەۋمەتتانۋشىلارعا، پسيحولوگتارعا جانە بۇقارالىق اقپارات قۇرالدارىنا ەرەكشە ميسسيا جۇكتەلەدى: ءبىر عانا شەشىم بىرنەشە ادامنىڭ ءومىرىن قۇتقارىپ قالۋى مۇمكىن.