توتەنشە جاعدايلار مينيسترلىگىندە داعدارىستىق جاعدايلاردا باسقارۋدىڭ تيىمدىلىگىن ارتتىرۋعا، توتەنشە جاعدايلاردىڭ الدىن الۋ جانە ولاردى جويۋ بويىنشا ۇيلەستىرۋدى قامتاماسىز ەتۋگە باعىتتالعان اۋقىمدى ۇيىمداستىرۋشىلىق قايتا قۇرۋ، تەحنيكالىق جاڭعىرتۋ مەن سيفرلىق سەرۆيستەردى ەنگىزۋ جۇرگىزىلدى.
تجم ستراتەگيالىق جوسپارلاۋ جانە جەدەل باسقارۋ كوماندالىق ورتالىعىنىڭ جاڭعىرتىلعان احۋالدىق زالى ىسكە قوسىلدى، ونىڭ نەگىزىندە ىقتيمال تەحنوگەندىك جانە تابيعي اپاتتارعا دەن قويۋدى بولجاۋ، مودەلدەۋ جانە تالداۋ، سونداي-اق ولاردىڭ سالدارىن باعالاۋ قۇرالدارىمەن سيفرلىق سەرۆيستەردى شوعىرلاندىرۋ جۇرگىزىلەدى.
توتەنشە جاعدايلاردى بولجاۋ جانە مودەلدەۋ ءۇشىن «تج گاج» سيفرلىق سەرۆيسى ىسكە قوسىلدى، ول «قازاقستان عارىش ساپارى «ۇك» اق گەوپورتالىمەن بىرلەسىپ سۋ تاسقىنى جاعدايىن مودەلدەۋ جانە تۇرعىن ۇيلەردىڭ سۋ باسۋىنا، تىرشىلىك ارەكەتىنىڭ بۇزىلۋىنا جول بەرمەۋ، حالىقتى قۇتقارۋ جانە ەۆاكۋاسيالاۋ بويىنشا جەدەل دەن قويۋ شارالارىن قابىلداۋ ءۇشىن قولدانىلادى. سونىمەن قاتار بۇل جۇيەدە ءورتتىڭ تارالۋ ايماقتارىن ەسەپتەۋ ءۇشىن «پيرولوگيا» ورتتەردى مونيتورينگتەۋ مەن بولجاۋدىڭ كىشى جۇيەلەرى، جوعارى، تومەنگى، شىمتەزەك، قىلقان جاپىراقتى جانە جاپىراقتى پارامەترلەر بويىنشا ەسەپتەۋلەردى قولدانۋدى تاڭداۋ جۇمىس ىستەيدى.
تجم-دە، ونىڭ اۋماقتىق جانە ۆەدومستۆولىق باعىنىستى بولىمشەلەرىندە كادرلاردىڭ ەسەبى مەن قوزعالىسىن اۆتوماتتاندىرۋ ءۇشىن 1C پلاتفورماسىندا «كادرلار» جۇيەسى ەنگىزىلدى. بۇل قۇرالدار باسشىلىققا نەگىزگى كورسەتكىشتەردى جەدەل باقىلاۋعا جانە ولشەنگەن باسقارۋ شەشىمدەرىن قابىلداۋعا، مينيسترلىكتىڭ بارلىق بولىمشەلەرىنىڭ ۇيلەسىمدى جۇمىسىن قامتاماسىز ەتۋگە، جالپى تيىمدىلىكتى، اشىقتىقتى، جەكە اقپاراتقا قول جەتكىزۋدى جانە كادر ماسەلەلەرىن جەدەل شەشۋ مۇمكىندىگىن ارتتىرۋعا مۇمكىندىك بەرەدى.
سونىمەن قاتار جاساندى ينتەللەكت بازاسىندا قوڭىراۋ شالۋشى ابونەنتتىڭ جانە زياتكەرلىك كومەكشىنىڭ ورنالاسقان جەرىن انىقتاۋ مۇمكىندىگىمەن «112» Call-ورتالىعىن قۇرۋ جونىندەگى باستامانى ىسكە اسىرۋ جالعاسۋدا. ءبىرىڭعاي كەزەكشى-ديسپەچەرلىك قىزمەتتىڭ «112» جوباسىن ىسكە اسىرۋ شەڭبەرىندە وبلىستاردىڭ، رەسپۋبليكالىق ماڭىزى بار قالالاردىڭ جانە استانانىڭ توتەنشە جاعدايلار دەپارتامەنتتەرىنىڭ جەدەل باسقارۋ ورتالىقتارىندا قولدانۋ كوزدەلەدى. قازىرگى ۋاقىتتا بايلانىس قىزمەتتەرىن جەتكىزۋشىلەرمەن بىرلەسىپ استانا قالاسى تجد جوسپارلاۋ جانە جەدەل باسقارۋ ورتالىعى بازاسىندا پيلوتتىق جوبانى ىسكە اسىرۋ بويىنشا جۇمىس جۇرگىزىلۋدە. كۇتىلەتىن ناتيجە توتەنشە جاعدايعا تاپ بولعان ازاماتتاردان كەلىپ تۇسكەن حابارلامالارعا دەن قويۋ جىلدامدىعىن ارتتىرۋ، حالىق تاراپىنان ازاماتتىق قورعاۋ ورگاندارىنا دەگەن سەنىمدى نىعايتۋ بولىپ تابىلادى.
حالىقتى قۇلاقتاندىرۋدىڭ ۇلتتىق جۇيەسىن ازىرلەۋ بويىنشا جۇمىس باستالدى، باعدارلامالىق قامتاماسىز ەتۋدىڭ، رەسپۋبليكالىق جانە اۋماقتىق دەڭگەيدەگى باسقارۋ ءپۋلتىنىڭ تولىققاندى نۇسقاسى ازىرلەندى، سيرەنا-سويلەۋ قۇرىلعىسىنىڭ تەحنيكالىق سحەماسى قۇراستىرىلدى. بۇل قوسىمشا ازاماتتاردىڭ قاۋىپسىزدىگىن جانە توتەنشە جاعدايلاردا ءىس-قيمىلعا دايىندىعىن ارتتىرۋدا ماڭىزدى ءرول اتقاراتىن بولادى.
حالىقتى توتەنشە جاعدايلار تۋرالى حاباردار ەتۋ ءۇشىن «112KZ» ءموبيلدى قوسىمشاسىنىڭ دەمونستراسياسى ازىرلەندى، بۇل ازاماتتاردى تابيعي اپاتتار، تەحنوگەندىك اۆاريالار نەمەسە الەۋمەتتىك تارتىپسىزدىكتەر سياقتى ىقتيمال قاۋىپتەر مەن تاۋەكەلدەر تۋرالى جەدەل اقپاراتتاندىرۋعا مۇمكىندىك بەرەدى. مۇنداي قوسىمشا ازاماتتاردىڭ قاۋىپسىزدىگىن جانە توتەنشە جاعدايلاردا ارەكەت ەتۋگە دايىندىعىن ارتتىرۋدا ماڭىزدى ءرول اتقارادى.
سونىمەن قاتار تجم ءبىرقاتار «سيفرلىق باستامالاردى» ىسكە اسىردى. 2GIS جانە ياندەكس وپەراتورلارىنىڭ ەلەكتروندىق كارتالارىندا ەۆاكۋاسيالىق، جيناۋ جانە جىلىتۋ پۋنكتتەرى ورنالاستىرىلعان. بۇل تج كەزىندە كومەك كورسەتۋ ورىندارى تۋرالى حالىقتىڭ حاباردارلىعىن ارتتىرادى، حالىقتى جيناۋ پۋنكتتەرىنە، جىلىتۋ پۋنكتتەرىنە جانە ت. ب. ناۆيگاسيالىق مارشرۋتتار سالۋعا مۇمكىندىك بەرەدى.
Cell Broadcast ۇيالى بايلانىسىنىڭ ابونەنتتىك قۇرىلعىلارىنا حابارلامالاردى جەدەل جەتكىزۋ جۇيەسىن پيلوتتىق ىسكە قوسۋ جۇرگىزىلدى. بۇل ءبىر ۋاقىتتا كوپتەگەن ابونەنتتەرگە حابارلامالاردى جەدەل جەتكىزۋگە مۇمكىندىك بەرەدى. جەلىنىڭ شامادان تىس جۇكتەلۋىنە قاراماستان جۇمىس ىستەيدى، بۇل ترافيكتىڭ جوعارى كەزەڭىندە دە حابارلامالاردىڭ سەنىمدى جەتكىزىلۋىن قامتاماسىز ەتەدى.
توتەنشە جاعدايلاردىڭ الدىن الۋ ماقساتىندا ورمان القاپتارىنىڭ جاي-كۇيىن ناقتى ۋاقىتتا باقىلاۋعا مۇمكىندىك بەرەتىن جاساندى ينتەلەكتى بار بەينەمونيتورينگ كامەرالارىن قولدانادى. جۇيەلەر ىقتيمال ءورت بەلگىلەرىن، ءتۇتىن باسۋدى اۆتوماتتى تۇردە تىركەيدى جانە سيگنالداردى جەدەل جىبەرەدى.
سونىمەن قاتار جوعالعان ادامداردى ىزدەۋ ءۇشىن جاساندى ينتەلەكتى بار ۇشقىشسىز ۇشۋ اپپاراتتارى (ۇۇا) بەلسەندى قولدانىلادى. ولاردىڭ كومەگىمەن جوعالعان ادامداردى ىزدەۋ ءۇشىن اشىق جەردىڭ فوتوسۋرەتتەرى جاسالادى، ال الىنعان سۋرەتتەر جاساندى ينتەللەكت ارقىلى وڭدەلەدى. ماسەلەن بيىلعى جىلدىڭ تامىز ايىندا بىرلەسكەن وپەراسيا اياسىندا جوعالعان ازاماتتاردى ىزدەۋ ءۇشىن جاساندى ينتەلەكت دەرەكتەرىن وڭدەۋمەن جەتۋى قيىن جەرلەردى ءتۇسىرۋ جۇرگىزىلدى. بۇل تەحنولوگيا ءوزىنىڭ تيىمدىلىگىن دالەلدەدى جانە ىزدەۋ-قۇتقارۋ وپەراسيالارىندا تۇراقتى نەگىزدە قولدانىلاتىن بولادى.
تجم توتەنشە جاعدايلاردا قاۋىپسىزدىك پەن جەدەلدىكتى ارتتىرۋ ءۇشىن تەحنولوگيالاردى دامىتۋدى جانە سيفرلىق شەشىمدەردى ەنگىزۋدى جالعاستىرىلاتىن بولادى.