ەلىمىزدەگى ەڭ تانىمال توپ-10 سپورت ءتۇرى

قازاقستان رەسپۋبليكاسى تۋريزم جانە سپورت مينيسترلىگى 2024 جىلدىڭ قورىتىندىسى بويىنشا ەلىمىزدەگى ەڭ تانىمال سپورت تۇرلەرى تۋرالى دەرەكتەردى ۇسىندى. ستاتيستيكادا بۇقارالىق جانە وزگە دە سپورت تۇرلەرى قامتىلعان، دەپ حابارلايدى aqshamnews.kz

دەرەكتەرگە سايكەس، ەلىمىزدە ەڭ كوپ قاتىسۋشىسى بار ۇيىرمە – فۋتبول. اتالعان سپورت تۇرىمەن 1 113 299 ادام اينالىسادى. ايتا كەتەرلىگى، ولاردىڭ جارتىسىنان كوبى اۋىلدىق جەردە تۇرادى. بۇل – فۋتبولدىڭ ەل اۋماعىندا كەڭ تاراعان ءارى قولجەتىمدى سپورت ءتۇرى ەكەنىن دالەلدەيدى.

كەيىنگى ورىندارعا مىنا سپورت تۇرلەرى جايعاسقان:

🔹كلاسسيكالىق ۆولەيبول – 767 580 ادام (ونىڭ ىشىندە اۋىلدىق جەردە – 421 035)
🔹باسكەتبول – 541 819 (اۋىلدىق جەردە – 238 853)
🔹فۋتزال – 368 349 (اۋىلدىق جەردە – 130 744)
🔹جەڭىل اتلەتيكا – 347 654 (اۋىلدىق جەردە – 174 261)
🔹شاحمات – 278 101 (اۋىلدىق جەردە – 128 243)
🔹ۇستەل تەننيسى – 262 835 (اۋىلدىق جەردە – 127 416)
🔹دويبى – 213 490 (اۋىلدىق جەردە – 115 198)
🔹توعىزقۇمالاق – 202 217 (اۋىلدىق جەردە – 119 302)
🔹قازاق كۇرەسى – 160 399 (اۋىلدىق جەردە – 87 030)

بۇل كورسەتكىشتەر ەل ازاماتتارىنىڭ ءداستۇرلى جانە زاماناۋي سپورت تۇرلەرىنە دەگەن قىزىعۋشىلىعىنىڭ جوعارى ەكەنىن، سونداي-اق حالىقتىڭ سالاماتتى ءومىر سالتىن ۇستانۋعا دەگەن ۇمتىلىسى ارتىپ كەلە جاتقانىن كورسەتەدى. مينيسترلىك بۇقارالىق سپورتتى دامىتۋ جانە وڭىرلەردە قولجەتىمدى سپورت ينفراقۇرىلىمىن قالىپتاستىرۋ باعىتىنداعى باعدارلامالاردى جۇزەگە اسىرۋدى ودان ءارى جالعاستىرادى.