ق ر كولىك ءمينيسترى مارات قارابايەۆ ليتۆا رەسپۋبليكاسىنا جۇمىس ساپارى اياسىندا "Avia Solutions Group" وكىلى ۆيگاۋداس ۋشاسكاسپەن كەزدەستى، دەپ حابارلايدى اlmaty-akshamy.kz.
"Avia Solutions Group" ەكيپاجدى دايارلاۋ جانە تەحنيكالىق پەرسونالدى وقىتۋ سالاسىنداعى كەشەندى شەشىمدەردى ۇسىناتىن حالىقارالىق كومپانيا. مينيستر BAA Training وقۋ ورتالىعىنا بارىپ، ۇشقىش ماماندىعىن يگەرىپ جۇرگەن ازاماتتىق اۆياسيا اكادەمياسىنىڭ ستۋدەنتتەرىمەن كەزدەستى.
كەزدەسۋ اياسىندا اكادەميا بازاسىندا EASA PART FCL سەرتيفيكاتىن بىرلەسە الۋ كەزەڭدەرى تالقىلاندى. بۇل بولاشاقتا قازاقستاندا ەۋروپالىق ستاندارتتارعا سايكەس ۇشقىشتاردى دايارلاۋعا مۇمكىندىك بەرەدى. مۇنداي قادام ەلىمىز بەن ورتالىق ازياداعى بىلىكتى كادرلار سانىن ەداۋىر ارتتىرۋعا سەپتىگىن تيگىزبەك.