قوستاناي وبلىسى اكىمدىگىنىڭ قارجى باسقارماسى ا.بايتۇرسىن ۇلى اتىنداعى حالىقارالىق قوستاناي اۋەجايىنىڭ 49% اكسيالارىن ەلەكتروندىق ساۋدا ارقىلى ساتۋدى جوسپارلاپ وتىر، دەپ حابارلايدى aqshamnews.kz.
اۋەجايدىڭ يەسى بولىپ تابىلاتىن باسقارما 733،9 مىڭ ورنالاستىرىلعان اكسيانىڭ شامامەن 359،6 مىڭىن ساتىلىمعا شىعاردى.
اۋكسيون ەلەكتروندىق تەندەر فورماتىندا وتەدى، باستاپقى باعاسى 4،7 ميلليارد تەڭگە بولىپ بەلگىلەنگەن. بۇل سوما 2024 جىلعى 5 اقپاندا «نەزاۆيسيمايا ەكسپەرتنايا وسەنكا» ءجشس-نىڭ باعالاۋشىسى انىقتاعان 49% ۇلەستىڭ باعالاۋ قۇنى رەتىندە كورسەتىلگەن. اۋەجايدىڭ جالپى نارىقتىق قۇنى 9،6 ميلليارد تەڭگەگە باعالانعان.
ا.بايتۇرسىن ۇلى اتىنداعى حالىقارالىق قوستاناي اۋەجايى 1997 جىلى تىركەلگەن. 2013 جىلى اۋەجايدىڭ 100% اكسياسى كوممۋنالدىق مەنشىكتەن رەسپۋبليكالىق مەنشىككە ءوتتى، ال 2014 جىلى «Airport Management Group» جشس-نە سەنىمگەرلىك باسقارۋعا بەرىلدى. 2018 جىلى اۋەجايدى ساتۋ ارەكەتى جاسالعان، ءبىراق وتىنىمدەردىڭ بولماۋىنا بايلانىستى ساۋدا اياقتالماعان.