بارىبايەۆ كوشەسىندەگى جاڭا بالالار الاڭى: «حالىق قاتىساتىن بيۋدجەت» باعدارلاماسى الماتى اۋداندارىن قالاي وزگەرتەدى، دەپ حابارلايدى aqshamnews.kz
الماتىنىڭ مەدەۋ اۋدانىندا «حالىق قاتىساتىن بيۋدجەت» باعدارلاماسى بويىنشا اۋلانى اباتتاندىرۋ جۇمىستارى اياقتالدى. جوبا بارىبايەۆ كوشەسى، 17ء-ۇي - گوگول كوشەسى، 13ء-ۇي مەكەنجايى بويىنشا جۇزەگە اسىرىلىپ، تۇرعىنداردىڭ اۋداندى قالاي جاقسارتۋعا بولاتىنىنا ۇلگى بولدى.
تۇرعىنداردىڭ نەگىزگى سۇرانىسى اۋلانى كوگالداندىرۋعا قاتىستى بولدى. جاڭا الاڭعا اعاش، بۇتالار وتىرعىزىلدى، گۇل باعى جاسالىپ، شاعىن ساۋلەت نىساندارى ورناتىلدى، ورىندىقتار مەن قوقىس جاشىكتەرى جاڭارتىلدى. قاۋىپسىزدىككە ەرەكشە نازار اۋدارىلادى — الاڭنىڭ جاڭا جابىنى بالالاردى جاراقاتتان قورعايدى، فۋتبول الاڭى جاڭا جاساندى جابىنمەن جابىلعان.
جۇمىس 2024 جىلدىڭ مامىرىندا باستالىپ، شىلدەدە اياقتالدى. الاڭ ءقازىردىڭ وزىندە تاڭعى جاتتىعۋ مەن وتباسىلىق كوككە شىعۋ ءۇشىن قولدانىلادى. مەدەۋ اۋدانىنىڭ تۇرعىنى ەلەنا نيكولايەۆا وسى جوبانىڭ اۆتورى. ول بۇگىن جاڭارتىلعان كەڭىستىك اۋداننىڭ قوعامدىق ءومىرىنىڭ ورتالىعىنا اينالعانىن ايتتى.
«مەن ءارقاشان بالالار كوڭىلدى ءارى ءقاۋىپسىز ۋاقىت وتكىزەتىن ورىن جاساۋدى ارماندايتىنمىن. حقب باعدارلاماسى مەن جەرگىلىكتى تۇرعىنداردىڭ قولداۋىنىڭ ارقاسىندا وسى ارمانىم ورىندالدى»، - دەدى ەلەنا نيكولايەۆا.
مەدەۋ اۋدانىندا «حالىق قاتىساتىن بيۋدجەت» جوباسى بويىنشا بيىل بارلىعى 34 جوبا جۇزەگە اسىرىلىپ جاتىر، ونىڭ 20-سى اۋلا اۋماعى، 7-ەۋى سكۆەردى اباتتاندىرۋ جانە 7-ەۋى اۆتوماتتى سۋارۋ جۇيەسى. ولاردى جۇزەگە اسىرۋ ءۇشىن الماتى اكىمى ەربولات دوسايەۆتىڭ تاپسىرماسىمەن بيىل وسى باعدارلاما بويىنشا قارجىلاندىرۋ 2 ملرد تەڭگەگە دەيىن ۇلعايتىلدى.