ق ر اۋىل شارۋاشىلىعى ءمينيسترى ەربول قاراشوكەيەۆ تۇرعىنداردى ءسۇت ونىمدەرىمەن قامتۋ جۇمىستارى تۋرالى ايتىپ بەردى، دەپ حابارلايدى Almaty-akshamy.kz قازاقپارات-قا سىلتەمە جاساپ.
«تاۋارلى ءسۇت بويىنشا ءبىز ءالى ءوز قاجەتتىلىگىمىزدى ءوزىمىز جابا المايمىز. بيىل ەلىمىزدىڭ بارلىق وڭىرىندە 65 ءتاۋارلى-سۇت فەرماسىنىڭ قۇرىلىسى باستالدى. بۇل ماقساتتا 100 ملرد تەڭگە ءبولىندى، وسىلايشا تاعى 537 مىڭ توننا ءسۇت وزىمىزدە وندىرىلەدى. شامامەن 30 فەرما بيىل قولدانىسقا بەرىلەدى»، - دەدى ە. قاراشوكەيەۆ ۇكىمەت كۋلۋارىندا.
ونىڭ ايتۋىنشا، كورشىلەس ەلدەردە ءسۇت باعاسىنىڭ ارزانداۋى بايقالعان.
«ونىڭ ۇستىنە ءبىز ءىرى ءتاۋارلى-سۇت فەرمالارىنا ءسۇتتىڭ ءار ليترىنە 45 تەڭگەدەن سۋبسيديا بەرەمىز. سوندىقتان، ەلدەگى ءسۇت باعاسى جاعدايى تۇراقتى، ەش داعدارىس بولمايدى»، - دەدى مينيستر.