ق ر مادەنيەت جانە سپورت ءمينيسترى اسحات ورالوۆ بالالاردى ۇيىرمەمەن قامتۋ جۇمىستارى قالاي جۇرەتىنىن ءتۇسىندىردى، دەپ حابارلايدى Almaty-akshamy.kz.
«Artsport باعدارلاماسى جوق، سپورت جانە مادەني ۇيىرمەلەردى قارجىلاندىرۋ بويىنشا مەملەكەتتىك باعدارلاما بار. وتكەن جىلى وسى باعدارلامانى ورىنداۋشى «Artsport» اقپاراتتىق جۇيەسىن ىسكە قوسقان ەدى. ەندى جاڭا قاعيدالار مەن جاڭا ستاندارت ورناتىلدى. وتكەن جىلعى كەمشىلىكتەردى ەسكەرە وتىرىپ، بيىل 86 ملرد تەڭگەدەن استام قارجى ءبولىندى»، - دەدى مينيستر ۇكىمەت كۋلۋارىندا.
ونىڭ ايتۋىنشا، ۇيىرمەلەرگە 560 مىڭ بالانى قامتۋ جوسپارلانعان. اكىمشىلەندىرۋ، قاراجات ءبولۋ جۇمىستارىن جەرگىلىكتى اتقارۋشى ورگاندار، ياعني اكىمدىكتەر جۇرگىزەدى. كونكۋرستاردى سپورت جانە مادەنيەت باسقارمالارى جۇرگىزەدى، -دەپ جازدى قازاقپارات.
«ءقازىر ءتۇرلى وڭىردە ءتۇرلى اقپاراتتىق جۇيەلەر بار. ءبىراق ءبىز جۇيەلى شارالاردى قولعا الدىق، اشىقتىق بولۋى ءۇشىن بارلىق بازالاردى بىرىكتىرەمىز. باستى مىندەت – بارلىق شەشىمدەر بالالار پايداسىنا، اشىقتىق ماقساتىندا قابىلانادى. بۇل وتە ماڭىزدى. قانداي دا ءبىر كومپانيا لوببيىنە جول بەرىلمەيدى. ەڭ باستىسى – بالالارعا ۇيىرمەلەردى قولجەتىمدى ەتۋ»، - دەدى اسحات ورالوۆ.