قر-دا نەوناتالدىق ءولىم كورسەتكىشى ورتالىق ازيا ەلدەرىنىڭ اراسىندا ەڭ تومەن بولىپ تابىلادى، بۇل ورتاەۋروپالىق مانگە سايكەس كەلەدى، دەپ حابارلايدى aqshamnews.kz.
بۇل تۋرالى نەوناتولوگتاردىڭ «جاڭا تۋعان پاسيەنتتەرگە بارىنشا جاقسى كۇتىم جاساۋ – نەگىزگىگە ورالۋ» عىلىمي-پراكتيكالىق كونفەرەنسياسى بارىسىندا حابارلاندى.
ءارتۇرلى مەملەكەتتىك باعدارلامالاردى جۇزەگە اسىرۋدىڭ ارقاسىندا نارەستە ءولىمىن تومەندەتۋ مۇمكىن بولعانى اتاپ ءوتىلدى. ماسەلەن، مينيسترلىك انا مەن بالانىڭ دەنساۋلىعىن جاقسارتۋ جونىندەگى ءىس-قيمىل جوسپارىن بەكىتتى، وندا جۇكتى ايەلدەر مەن بالالارعا مەديسينالىق كومەك كورسەتۋدى جەتىلدىرۋ، پەريناتالدىق ورتالىقتاردى جاڭعىرتۋ جانە جاڭا بالالار كلينيكالارىن سالۋ جونىندەگى ءىس-شارالار كوزدەلگەن.
كونفەرەنسيا قازاقستاندا نەوناتالدىق ءولىمدى تومەندەتۋ ءۇشىن جاڭا تۋعان بالالارعا كورسەتىلەتىن مەديسينالىق كومەكتىڭ ساپاسىن جەتىلدىرۋ، سونداي-اق نەوناتولوگيا مەن پەريناتولوگياداعى حالىقارالىق جانە وڭىرلىك كوشباسشىلارمەن ىنتىماقتاستىقتى ودان ءارى تەرەڭدەتۋ ماقساتىندا ۇيىمداستىرىلدى. كەزدەسۋگە اقش، فرانسيا، نورۆەگيا، شۆەسيا، پولشا، ليتۆا رەسپۋبليكاسىنىڭ نەوناتولوگيا جانە پەريناتولوگيا سالاسىنداعى ساراپشىلارى قاتىستى.
كونفەرەنسياعا قاتىسۋشىلار زاماناۋي عىلىمي زەرتتەۋلەر مەن كلينيكالىق پراكتيكاعا نەگىزدەلگەن جاڭا تۋعان نارەستەلەر مەن شالا تۋعان نارەستەلەرگە كۇتىم جاساۋ بويىنشا جاڭا تۋعان نارەستەنى باستاپقى رەانيماسيالاۋ جانە التىن ساعات، ەمشەك سۇتىمەن قورەكتەندىرۋدىڭ ارتىقشىلىقتارى، نەوناتولوگياداعى رەسپيراتورلىق قولداۋ، جاڭا تۋعان نارەستەلەردەگى گەموديناميكالىق مارتەبەنى باعالاۋ جانە قولداۋ جانە ت. ب. سياقتى وزىق تاسىلدەرىن تالقىلادى.