ۇكىمەت وتىرىسىندا ونەركاسىپ جانە قۇرىلىس ءمينيسترى قانات شارلاپايەۆ قۇرىلىس سالاسىنداعى نەگىزگى جەتىستىكتەر تۋرالى باياندادى.
بۇگىنگى تاڭدا ونىڭ ۇلەسى ەلدىڭ جالپى ءجىو-نىڭ 5،6%-ىن قۇرايدى. سالادا 670 مىڭعا جۋىق ادام، 53 مىڭعا جۋىق كاسىپورىن جۇمىس ىستەيدى، دەپ حابارلايدى aqshamnews.kz سالا مينيسترلىگىنە سىلتەمە جاساپ.
«2024 جىلدىڭ 11 ايىندا قۇرىلىس جۇمىستارىنىڭ كولەمى 6،9 ترلن تەڭگەگە دەيىن ءوستى، بۇل وتكەن جىلمەن سالىستىرعاندا 10،3%-عا جوعارى. جالپى، جىلدىڭ سوڭىنا دەيىن جوسپارلانعان كولەم ورىندالادى»، — دەپ مالىمدەدى مينيستر.
بيىل رەكوردتىق تۇردە 18 ملن شارشى مەتر تۇرعىن ءۇي ەنگىزۋ جوسپارلانۋدا، بۇل 2018 جىلمەن سالىستىرعاندا 44%-عا جوعارى.
وسى جىلدىڭ 11 ايىندا، 16،3 ملن شارشى مەتر تۇرعىن ءۇي پايدالانۋعا بەرىلدى. جىل سوڭىنا دەيىن تاعى 1،7 ملن شارشى مەتر تۇرعىن ءۇي تاپسىرىلادى.
سالاعا ينۆەستيسيانى قارقىندى تارتۋ ءۇشىن، ۇكىمەت تۇرعىن ءۇي قۇرىلىسىن ىنتالاندىرۋ بويىنشا ءبىرشاما شارالار قابىلدادى.
«بيىل بۇل ماقساتتارعا بارلىق كوزدەر ەسەبىنەن شامامەن، 965 ملرد تەڭگە قاراجات جوسپارلانعان. بۇل 160 مىڭنان استام ازاماتتاردىڭ 41 مىڭ جاڭا پاتەرگە كوشۋىنە، مۇمكىندىك بەرەدى. سونىمەن قاتار وسال توپتارعا قول جەتىمدى قۇرالداردى ۇسىنۋعا ەرەكشە كوڭىل بولىنۋدە»، — دەدى سپيكەر.
قانات شارلاپايەۆتىڭ ايتۋىنشا، بيىل مەملەكەتتىك قاراجات ەسەبىنەن 22 مىڭنان استام جالدامالى پاتەر ساتىپ الۋ ءۇشىن، 336 ملرد-قا جۋىق تەڭگە قاراستىرىلعان.
جىل سوڭىنا دەيىن 165 ملرد تەڭگەگە مەملەكەتتىك باعالى قاعازدار شىعارۋ ارقىلى 10 مىڭنان استام نەسيەلىك تۇرعىن ءۇيدى پايدالانۋعا بەرۋ جوسپارلانۋدا.
بۇگىنگى كۇنى، اتالعان پاتەرلەر بويىنشا 2-5%-بەن جەڭىلدەتىلگەن يپوتەكالىق نەسيە ارقىلى 7 861 نەسيە بەرىلگەن.
تۇرعىلىقتى اۋداندارىنا ينجەنەرلىك جەلىلەردى تارتۋعا 83 ملرد تەڭگە ءبولىندى. ونىڭ 34 ملرد تەڭگەسى، 21،2 مىڭنان استام جەر تەلىمىن ينفراقۇرىلىممەن قامتاماسىز ەتەتىن بولادى.
وسى جىلدىڭ مامىر ايىنان باستاپ، «ناۋرىز» جاڭا تۇرعىن ءۇي باعدارلاماسى ىسكە قوسىلدى. ونىڭ اياسىندا وسى جىلى 300 ملرد تەڭگەگە 12 000 يپوتەكالىق نەسيە بەرۋ جوسپارلانۋدا. بۇگىنگى تاڭدا شامامەن 172،4 ملرد تەڭگەگە 6 مىڭنان استام نەسيە بەرىلدى.
تۇرعىن ءۇي ساياساتىن رەفورمالاۋ شەڭبەرىندە، جەرگىلىكتى اتقارۋشى ورگانداردىڭ ەسەپكە قويۋ، جانە ۇيلەردى ءبولۋ فۋنكسيالارىن ۇلتتىق دامۋ ينستيتۋتى – وتباسى بانكىنە بەرۋدى كوزدەيتىن زاڭ قابىلداندى.
بۇل ساياسات ءۇي الۋدى قول جەتىمدى ەتەدى. تۇرعىن ءۇيدى ءبولۋ، تىركەۋ كۇنىنە، جانە تابىس دەڭگەيىنە بايلانىستى جۇزەگە اسىرىلادى. بۇل ەڭ الدىمەن ۇزاق ۋاقىت بويى كەزەكتە تۇراتىن ازاماتتاردى ۇيمەن قامتاماسىز ەتۋگە مۇمكىندىك بەرەدى.
سونىمەن قاتار الەۋمەتتىك وسال توپتارعا جالعا بەرىلگەن ۇيلەردى جەكەشەلەندىرۋگە مۇمكىندىك بەرىلدى. بۇل نورما بيىل 4 جەلتوقساندا كۇشىنە ەندى. وسى شارانىڭ ارقاسىندا 50 مىڭنان استام ازامات ءۇيلى بولادى.
جالپى رەفورمالاۋ بويىنشا قاراستىرىلعان جاڭا وزگەرىستەر كەلەسى جىلدىڭ مامىر ايىندا كۇشىنە ەنگەلى وتىر.
زاڭسىز قۇرىلىس ماسەلەلەرىن شەشۋ بويىنشا، جانە قالا قۇرىلىسى قۇجاتتاماسىن ساپاسىز ازىرلەۋدى جويۋ ءۇشىن، جىل باسىنان باستاپ قالا قۇرىلىسى ساراپتاماسى ەنگىزىلدى.
«بارلىق جاڭادان ازىرلەنگەن، جانە تۇزەتىلگەن قالا قۇرىلىسى جوبالارى، ونىڭ ىشىندە بۇرىن جەرگىلىكتى دەڭگەيدە بەكىتىلگەن ەگجەي-تەگجەيلى جوبالاۋ جوسپارى، مەملەكەتتىك ساراپتامالىق تەكسەرۋدەن وتەدى. پروسەستەردە سىبايلاس جەمقورلىق تاۋەكەلدەرى، بارىنشا ازايتىلدى، سونداي-اق ادامي فاكتورلار جانە قول جەتىمدى انىقتامالىق قۇجاتتارعا، زاڭسىز وزگەرىستەر ەنگىزۋ مۇمكىندىگى تولىعىمەن جويىلدى. قۇرىلىس پروسەسىنىڭ بارلىق قاتىسۋشىلارى ءۇشىن، اشىقتىقتى، ساپا مەن قولايلىلىقتى قامتاماسىز ەتۋ ماقساتىندا ءبىز قۇرىلىس سالاسىنىڭ ءبىرىڭعاي سيفرلىق ەكوجۇيەسىن قۇرىپ جاتىرمىز. ول قۇرىلىس وبەكتىسىن جوسپارلاعان ساتتەن باستاپ، ونى بۇزۋعا دەيىنگى سيكلدى قامتيدى»، — دەپ اتاپ ءوتتى قانات شارلاپايەۆ.
قولدانىستاعى ساراپتاما پورتالىن اۋىستىرۋ ءۇشىن، جاڭا جۇيە – اقپاراتتىق مودەلدەردىڭ، مەملەكەتتىك بانكىن ىسكە قوسۋ جۇمىستارى جۇرگىزىلۋدە. جاڭا جۇيە ساراپتامادان باسقا، ىزدەستىرۋ جانە جوبالاۋ پروسەستەرىن قامتيتىن بولادى. بۇل جۇيەنى تاپسىرىس بەرۋشى ءۇشىن، ءبىر تەرەزە رەتىندە قولدانۋ جوسپارلانۋدا. ياعني، بارلىق قۇرىلىس قاتىسۋشىلارى، ءبىر ينتەرفەيس ارقىلى جۇمىس ىستەيتىن بولادى.
قۇرىلىس سالاسىنداعى زاڭنامانى جەتىلدىرۋ ماقساتىندا، قۇرىلىس كودەكسىنىڭ جوباسى ازىرلەنىپ، پارلامەنت ماجىلىسىنە ەنگىزىلدى.
جوبادا كوزدەلگەن شارالار نارىقتان جوسىقسىز قۇرىلىسشىلاردى جويۋعا، بارلىق سۋبەكتىلەردىڭ قۇزىرەتتىلىگى مەن كاسىبي جاۋاپكەرشىلىگىن ارتتىرۋعا، سونداي-اق جوبالاۋ جانە قۇرىلىستىڭ ساپاسىن جوعارىلاتۋعا مۇمكىندىك بەرەدى.
جاۋاپكەرشىلىكتى ساقتاندىرىپ، ساراپشىلاردى سەرتيفيكاتتاۋدى ەنگىزۋ جوسپارلانۋدا.
سەيسميكالىق بەلسەندى ايماقتاردا قاۋىپسىزدىكتى قامتاماسىز ەتۋ ءۇشىن، جوبالاۋ جانە قۇرىلىس بارىسىندا، سەيسميكالىق وقشاۋلاۋ جۇيەلەرى قولدانىلاتىن بولادى.
«جالپى ازىرلەنگەن تاسىلدەر، ازاماتتاردىڭ ءومىر سۇرۋىنە قولايلى جاعداي جاساۋ ءۇشىن، اشىقتىقتى قامتاماسىز ەتۋگە، باقىلاۋدى كۇشەيتۋگە، ساپا مەن جاۋاپكەرشىلىكتى ارتتىرۋعا باعىتتالعان»، — دەدى مينيستر.