قازاقستاندا قازاننان باستاپ نە وزگەرەدى؟

10:27، 30 قىركۇيەك 2025

سۋرەت: باحىت سارسەمبايەۆا

كۇزدىڭ ەكىنشى ايىنا دا اياق باستىق. قازاقستاندىقتاردى قازان ايىندا قانداي جاڭالىقتار كۇتىپ تۇر؟ اqshamnews.kz ءتىلشسىنىڭ ماتەريالىنان ءبىلىڭىز.

Digital Bridge 2025 جانە پاۆەل دۋروۆتىڭ كەلۋى

2–4 قازاندا استانادا حالىقارالىق Digital Bridge 2025 فورۋمى وتەدى. بۇل ورتالىق ازياداعى ەڭ ۇلكەن IT وقيعاسى بولماق. فورۋمعا الەمنىڭ 100 ەلىنەن قاتىسۋشىلار كەلەدى.

2 قازاندا Telegram نەگىزىن قالاۋشى پاۆەل دۋروۆ alem.ai جاساندى ينتەللەكت حالىقارالىق ورتالىعىن اشۋ ءۇشىن قازاقستانعا كەلەدى. شاراعا پرەزيدەنت قاسىم-جومارت توقايەۆ، ءباا جاساندى ينتەللەكت ءمينيسترى ومار سۇلتان ءال-ولاما جانە ستەنفورد پروفەسسورى يليا سترەبۋلايەۆ قاتىسادى.

سۋرەت: digitalbridge.kz

مۇلىك سالىعىن تولەپ ۇلگەرىڭىز...

1 قازان - مۇلىك سالىعىن تولەۋدىڭ سوڭعى كۇنى. جەكە تۇلعالار وسى كۇنگە دەيىن سالىقتارىن تولەپ ۇلگەرۋى كەرەك. ۋاقىتىندا تولەمەگەن جاعدايدا 2 قازاننان باستاپ بورىشكەر سانالاسىز. قارىز كولەمى 1 اەك-تەن اسسا، 30 جۇمىس كۇنىنەن سوڭ سوت ورىنداۋشىلارى شارا قولدانا الادى: شوتتى بۇعاتتاۋ، شەتەلگە شىعۋدى شەكتەۋ.

سالىق بەرەشەكتەرىن e-Salyq Azamat قوسىمشاسى، eGov.kz، بانكوماتتار جانە بانكتەر ارقىلى تولەپ ۇلگەرۋىڭىزگە بولادى.

سۋرەت: gov.kz

ساياحاتشىلار ءۇشىن تىڭ جاڭالىق

1 قازاننان باستاپ 21 جاسقا تولماعاندار شارم-ەل-شەيحكە تەك اتا-اناسىمەن نەمەسە نوتاريالدى سەنىمحات ارقىلى بارا الادى. ول ءۇشىن تۋۋ تۋرالى كۋالىك، پاسپورت قاجەت بولادى. سەنىمحات ورىس تىلىندە دە جارامدى.

ال 29 قازاندا SCAT اۋە كومپانياسى اكتاۋدان شاردجاعا (ءباا) تىكەلەي رەيس اشادى. ۇشاق اپتاسىنا ەكى رەت ۇشاتىن بولادى.

سۋرەت: toping.uz

الماتىلىقتاردى ەرەكشە سپورت جانە مادەني شارالار كۇتىپ تۇر

21 قازاندا الماتىلىق كوماندا ءوز الاڭىندا كيپرلىك "پافوسپەن" وينايدى. باستالۋى - 21:45-تە. بيلەتتەر رەسمي سايتتا ماچقا جاقىن كۇندەرى ساتىلىمعا شىعادى.

ال ايگىلى Andrea Bocelliء-دىڭ كونسەرتىن 28 قازان، Almaty Arena-دان تاماشالاۋعا بولادى (بيلەتتەر 45 000 تگ-دەن باستالادى). SABATON -نىڭ كەشى 10 قازان، بالۋان شولاق اتىنداعى سپورت سارايىندا (25 000 تگ-دەن باستاپ) بولادى.

سۋرەت: Getty Images

قازاندا قانشا كۇن دەمالامىز؟

25 قازاندا ەلىمىز رەسپۋبليكا كۇنىن اتاپ وتەدى. رەسمي دەمالىس دۇيسەنبى، 27 قازانعا اۋىستىرىلعاندىقتان 25–27 قازان ارالىعىندا ءۇش كۇندىك دەمالىس بولادى. ەل بويىنشا ءتۇرلى كونسەرتتەر، شەرۋ، سپورتتىق شارالار وتەدى.

جالپى قازان ايىندا تاعى دا ءبىرقاتار كاسىبي مەرەكەلەر بار: