بۇل تۋرالى اقوردانىڭ باسپا ءسوز قىزمەتى حابارلادى.
"مەملەكەت باسشىسىنىڭ وكىمىمەن جاندوس جانىبەك ۇلى ومىرالييەۆ قازاقستان رەسپۋبليكاسى باس پروكۋرورىنىڭ ءبىرىنشى ورىنباسارى بولىپ تاعايىندالدى، ول بۇرىنعى اتقارعان لاۋازىمىنان بوساتىلدى"، – دەلىنگەن وكىمدە.
سونداي-اق، مەملەكەت باسشىسىنىڭ وكىمىمەن تيمۋر عازيزبەك ۇلى تاشىمبايەۆ قازاقستان رەسپۋبليكاسى باس پروكۋرورىنىڭ ءبىرىنشى ورىنباسارى لاۋازىمىنان بوساتىلدى.
جاندوس جانىبەك ۇلى ومىرالييەۆ 1978 جىلى تۋعان.
ءبىلىمى: اباي اتىنداعى الماتى مەملەكەتتىك ۋنيۆەرسيتەتىن بىتىرگەن.
ەڭبەك جولى:
2000 جىلى اۋدان پروكۋرورىنىڭ كومەكشىسى.
2010-2011 جىلدارى باس پروكۋروردىڭ ەرەكشە تاپسىرمالار جونىندەگى اعا كومەكشىسى – زاڭدىلىقتى، قۇقىقتىق ءتارتىپتى قامتاماسىز ەتۋ جانە قىلمىسقا قارسى كۇرەس جونىندەگى ۇيلەستىرۋ كەڭەسىنىڭ حاتشىسى بولدى.
2011-2017 جىلدارى الماتى قالاسى پروكۋرورىنىڭ ورىنباسارى قىزمەتىن اتقارعان.
2017-2018 جىلدارى – باس پروكۋراتۋرانىڭ كادرلاردى دامىتۋ باسقارماسىنىڭ باستىعى.
2018-2022 جىلدارى باتىس قازاقستان وبلىسىنىڭ پروكۋرورى بولدى.
2022 جىلى 8 ماۋسىمدا قازاقستان رەسپۋبليكاسى باس پروكۋرورىنىڭ ورىنباسارى بولىپ تاعايىندالدى.