بوت اسكەريلەردىڭ وتباسىلارىنا دا كۇيزەلىس جانە قيىن جاعدايلاردا تاۋلىك بويى كومەك كورسەتۋگە ارنالعان، دەپ حابارلايدى aqshamnews.kz قورعانىس مينيسترلىگىنە سىلتەمە جاساپ.
استانادا اسكەري پسيحولوگتار جينالىسىندا جاساندى ينتەللەكت نەگىزىندە ازىرلەنگەن AI-sulu Telegram-بوتى تانىستىرىلدى. بۇل جاڭا قىزمەت اسكەري قىزمەتشىلەر مەن ولاردىڭ وتباسىلارىنا كۇيزەلىس جانە قيىن جاعدايلاردا تاۋلىك بويى ءانونيمدى تۇردە كومەك كورسەتۋگە ارنالعان.
قورعانىس ءمينيسترىنىڭ تاربيە جانە يدەولوگيالىق جۇمىستار جونىندەگى ورىنباسارى ۆيسە-ادميرال سەرىك بورامبايەۆتىڭ ايتۋىنشا، قازىرگى زاماننىڭ تالاپتارى يننوۆاسيالىق سيفرلىق شەشىمدەردى ەنگىزۋدى قاجەت ەتەدى.
"پسيحولوگيا – اسكەردىڭ جاۋىنگەرلىك دايىندىعىن قامتاماسىز ەتۋدىڭ ماڭىزدى ەلەمەنتى. اسكەري قىزمەتشىلەرمەن جانە ولاردىڭ وتباسىلارىمەن ءتيىمدى جۇمىس ىستەۋ ارميانىڭ مورالدىق كۇشىنىڭ نەگىزى بولىپ تابىلادى"، – دەدى بورامبايەۆ.
سيفرلىق كەڭەسشى قازاق جانە ورىس تىلدەرىندە قولجەتىمدى. ونىڭ باستى ارتىقشىلىعى – انونيمدىلىك پەن تاۋلىك بويى قولجەتىمدىلىك.
"AI-sulu ءتىرى ماماننىڭ ورنىن الماستىرا المايدى، ءبىراق ول قيىن ساتتەردە العاشقى كومەك كورسەتىپ، تىڭداي وتىرىپ، قاجەتتى كەڭەس پەن رەسۋرستارعا باعىتتاي الادى"، – دەدى ۇلتتىق اسكەري-پاتريوتتىق ورتالىعى اقپاراتتىق ءبولىمىنىڭ باستىعى مايور قاسىمحان تۋيتين.
بۇل تاجىريبە اسكەري قۇراممەن جۇمىس ىستەۋدە وتە پايدالى بولاتىنىن جانە اسكەري پسيحولوگيا قىزمەتى ءۇشىن جاڭا ادىستەمەلىك ماتەريالداردىڭ نەگىزىنە اينالادى دەپ كۇتىلىپ وتىر.