مەملەكەت باسشىسىنىڭ تاپسىرماسىنا سايكەس بيىل قازاقستاندا قارجى زاڭناماسىن رەفورمالاۋدىڭ ۇلكەن پاكەتى دايىندالىپ جاتىر. بۇل تۋرالى ق ر ۇلتتىق بانكىنىڭ ءتوراعاسى تيمۋر سۇلەيمەنوۆ ۇكىمەت وتىرىسىندا مالىمدەدى، - دەپ حابارلايدى اqshamnews.kz.
ول ۇلتتىق بانك ماكروەكونوميكالىق جانە قارجىلىق تۇراقتىلىقتى قامتاماسىز ەتۋ بويىنشا جۇمىستاردى جالعاستىرا بەرەتىنىن اتاپ ءوتتى.
ينفلياسيانىڭ ءوسۋ تاۋەكەلىن ازايتۋ ءۇشىن رەسپۋبليكادا دەزينفلياسيالىق ساياسات جۇرگىزىلمەك. اقشا-كرەديت ساياساتى قۇرالدارىنان بولەك قوسىمشا شارالار قابىلدانادى.
- التىن ساتىپ الۋ شەڭبەرىندە ۆاليۋتالىق وپەراسيالاردى تەڭدەستىرۋ جالعاسپاق.
- جەكە تۇلعالاردىڭ نەسيەلەرى بويىنشا كونترسيكلدىك كاپيتال بۋفەرىن ەنگىزۋ تۋرالى شەشىم قابىلداندى.
- بانكتەر ءۇشىن مىندەتتى رەزەرۆتەردىڭ ەڭ تومەنگى تالاپتارىن ارتتىرۋ جۇمىسى پىسىقتالىپ جاتىر.
- اكتيۆتەردى باسقارۋ اياسىندا ۇلتتىق قور مەن ءبىرىڭعاي جيناقتاۋشى زەينەتاقى قورىنىڭ پورتفەلىندە جوعارى كىرىستىلىككە يە اكتيۆتەردىڭ ۇلەسىن ۇلعايتۋ كوزدەلىپ وتىر.
- قارجى سەكتورىنىڭ سيفرلىق ترانسفورماسياسى جالعاسادى. سيفرلىق تەڭگەنى ماسشتابتاۋ جۇمىستارى جۇرگىزىلەدى. بۇل سيفرلىق تەڭگەنى مەملەكەتتىك قارجىنىڭ جاڭا باعىتتارىندا ەنگىزۋ مۇمكىندىكتەرىن پىسىقتاۋدى قامتيتىن بولادى.
- بيىل مەملەكەت باسشىسىنىڭ تاپسىرماسىنا سايكەس ەلىمىزدىڭ قارجى زاڭناماسى بويىنشا اۋقىمدى رەفورمالار توپتاماسى ازىرلەنىپ جاتىر. بۇل توپتامادا بانكتەر، تولەمدەر، باعالى قاعازدار نارىعىن دامىتۋ جانە باسقا دا ماسەلەلەر قامتىلعان. وعان قوسا سيفرلىق قارجى اكتيۆتەرىن رەتتەۋدى جانە ۇلتتىق سيفرلىق قارجى ينفراقۇرىلىمىن ەنگىزۋ جوسپارلانۋدا. تولەم نارىعىن ودان ءارى دامىتۋدى جالعاستىرامىز. اتالعان شارالار قارجى سەكتورىنىڭ ەكونوميكانى دامىتۋعا جانە ازاماتتاردىڭ ءال-اۋقاتىن جاقسارتۋعا قوسىپ جاتقان ۇلەسىن ارتتىرادى، ونىڭ ءداستۇرلى سەكتورلارىنا دا، جاڭا سالالارعا دا سەرپىن بەرەدى.