قازاقستان ەكونوميكاسى بيىلعى قاڭتار-ماۋسىم ايلارىنىڭ قورىتىندىلارى بويىنشا 6،2%-عا جەتىپ، وڭ ءوسىمدى كورسەتىپ جاتىر. بۇل تۋرالى ۇكىمەت وتىرىسىندا پرەمەر-مينيستردىڭ ورىنباسارى – ۇلتتىق ەكونوميكا ءمينيسترى سەرىك جۇمانعارين باياندادى، - دەپ حابارلايدى aqshamnews.kz.
بۇل قارقىن - العاشقى بەس ايعا قاراعاندا 0،2%-عا جوعارى جانە كەيىنگى 14 جىلداعى ءجىو ءوسۋىنىڭ ەڭ جوعارى كورسەتكىشى. سالىستىرۋ ءۇشىن، بىلتىرعى ۇقساس كەزەڭىندە ءوسىم 3،2% بولدى.
ەكونوميكانىڭ ناقتى سەكتورى +8% جانە قىزمەت كورسەتۋ سالاسى بولدى، ول 5،2%-عا ءوستى. كولىك (+22،7%) جانە قۇرىلىس (+18،4%) سالالارى ايتارلىقتاي ۇلەس قوستى. سونداي-اق ساۋدادا جاندانۋ جانە تاۋ-كەن ونەركاسىبىندە تۇراقتى ءوسۋ بايقالادى (+8،4%).وڭدەۋ سەكتورى 5،5%-عا، ال اۋىل شارۋاشىلىعى 3،7%-عا ءوستى.
بيۋدجەت كىرىسى جوسپارلى كورسەتكىشتەردەن اسىپ ءتۇستى
"ءبىرىنشى جارتىجىلدىقتا مەملەكەتتىك بيۋدجەتتىڭ كىرىسى 11،4 ترلن تەڭگەنى قۇرادى، بۇل وتكەن جىلدىڭ سايكەس كەزەڭىمەن سالىستىرعاندا 118،8%. بۇل سالىق ءتارتىبى مەن قازاقستان ەكونوميكاسىنىڭ ءوسۋىنىڭ ناتيجەسى"، — دەپ اتاپ ءوتتى سەرىك جۇمانعارين.