بۇل سۇراققا ەڭبەك جانە حالىقتى الەۋمەتتىك قورعاۋ مينيسترلىگى جاۋاپ بەردى.
2023 جىلعى 1 ماۋسىمداعى مالىمەت بويىنشا، قازاقستانداعى زەينەتاقىنىڭ ورتاشا مولشەرى 120 743 تەڭگە بولدى، دەپ حابارلايدى Almaty-akshamy.kz
جىل باسىنان بەرى رەسپۋبليكالىق بيۋدجەتتەن 1 ترلن 374،1 ملرد تەڭگە قارجى زەينەتاقى تولەۋگە ءبولىندى، ونىڭ ىشىندە بازالىق زەينەتاقى تولەۋگە – 421،9 ملرد تەڭگە، ىنتىماقتى زەينەتاقى تولەۋگە – 952،2 ملرد تەڭگە.
2023 جىلعى 1 ماۋسىمداعى جاعداي بويىنشا ەلىمىزدە 2 ملن 299 مىڭ ادام زەينەتكەر بار.
"2023 جىلعى 1 ماۋسىمداعى جاعداي بويىنشا جيىنتىق زەينەتاقىنىڭ ورتاشا مولشەرى 120 743 تەڭگەنى قۇرادى، ونىڭ ىشىندە ىنتىماقتى زەينەتاقى مولشەرى – 82 881 تەڭگە، بازالىق زەينەتاقى – 37 862 تەڭگە"، دەلىنگەن ق ر ەڭبەك جانە حالىقتى الەۋمەتتىك قورعاۋ مينيسترلىگى تاراتقان اقپاراتتا.
2023 جىلعى 1 مامىرداعى جاعداي بويىنشا جيىنتىق زەينەتاقىنىڭ ورتاشا مولشەرى 120 686 تەڭگە بولعان ەدى.