الماتىداعى جانار-جاعارماي قۇيۋ بەكەتتەرىندە 26 مىڭ ليتردەن استام ءونىمنىڭ زاڭسىز اينالىمى انىقتالدى، دەپ حابارلايدى Almaty-akshamy.kz مەملەكەتتىك كىرىستەر دەپارتامەنتىنە سىلتەمە جاساپ.
الماتى قالاسى بويىنشا مەملەكەتتىك كىرىستەر دەپارتامەنتى اكسيزدەلەتىن تاۋارلاردىڭ كولەڭكەلى اينالىمىن انىقتاۋ ماقساتىندا اكسيزدەلەتىن ءونىم نارىعىنىڭ سۋبەكتىلەرىنە تۇراقتى تۇردە تالداۋ جۇرگىزەدى.
تاقىرىپتىق سالىقتىق تەكسەرۋ جۇرگىزۋ بارىسىندا الماتى قالاسى تۇركسىب اۋدانى بويىنشا مەملەكەتتىك كىرىستەر باسقارماسىنىڭ لاۋازىمدى تۇلعالارى 15 ماۋسىم كۇنى ءبىر سالىق تولەۋشىگە تيەسىلى ەكى اۆتوموبيلگە جانارماي قۇيۋ بەكەتىندە جالپى كولەمى 26 295 ليتر بولاتىن جانار-جاعارماي ماتەريالدارىنىڭ زاڭسىز اينالىمىن انىقتادى.
اتاپ ايتقاندا، مۇناي ونىمدەرىن ەسەپكە الماي ساقتاۋ جانە وتكىزۋ – «مۇناي ءونiمدەرiنiڭ جەكەلەگەن تۇرلەرiن ءوندiرۋدi جانە ولاردىڭ اينالىمىن مەملەكەتتىك رەتتەۋ تۋرالى» زاڭدى بۇزۋ. بۇل رەتتە اكىمشىلىك قۇقىق بۇزۋشىلىق تۋرالى كودەكستىڭ 281-بابى 5-تارماعى 8-تارماقشاسى بويىنشا اكىمشىلىك جاۋاپكەرشىلىك كوزدەلگەن.
اتالعان فاكتىلەر بويىنشا شەشىم قابىلداۋ ءۇشىن ءىس ماتەريالدارى الماتى قالاسىنىڭ سوت ورگاندارىنا بەرىلەدى.