قازاقستاندا ماسكا رەجيمى قايتا ەنگىزىلمەيدى

قازاقستاندا ماسكا رەجيمىن ەنگىزۋ جوسپارلانىپ وتىرعان جوق.

الايدا، بۇل رەجيم ەلدەگى ەپيدەميولوگيالىق جاعدايعا بايلانىستى. دەنساۋلىق ساقتاۋ ءمينيسترى اجار عينياتتىڭ ايتۋىنشا، قازاقستاندا تابىلعان كوروناۆيرۋستىڭ جاڭا شتاممدارى، ونىڭ ىشىندە «ستەلس-وميكرون» شتاممى بۇگىندە گەنەتيكالىق دەڭگەيدە قوسىمشا زەرتتەلۋدە، دەپ حابارلايدى Almaty-akshamy.kz

تالداۋلار ناتيجەسى مامىر ايىنىڭ سوڭىنا دەيىن دايىن بولادى. سونداي-اق، مينيستر ىندەتتى جۇقتىرۋ ءىرى مەگاپوليستەر - نۇر-سۇلتان مەن الماتى قالالارىندا انىقتالىپ جاتقانىن ايتتى.

"ەلىمىزدىڭ 12 وڭىرىندە كوروناۆيرۋس ينفەكسياسىنىڭ «وميكرون» ءتۇرىنىڭ ءبىرى انىقتالدى. بۇل - «ستەلس-وميكرون». كوروناۆيرۋس ينفەكسياسىنىڭ بۇل ءتۇرى «دەلتا» ۆيرۋسىنا قاراعاندا جەڭىل وتەدى. ءبىراق، جىلدام تارالۋىمەن ءقاۋىپتى ءارى قايتادان اۋرۋعا الىپ كەلەدى. ءقازىر ونىڭ بۇكىل ەلىمىزدە قارقىندى تۇردە تارالا باستاعانىن كورىپ وتىرمىز. اۋرۋدىڭ جالپى قالاي ءجۇرىپ جاتقانى كۇن سايىن باقىلاۋدا. ۇقساس سيمپتومدارمەن نەمەسە كوروناۆيرۋس انىقتالعان ناۋقاستاردىڭ بارلىعى تولىق ەم-دوم الىپ جاتىر"، - ق ر دەنساۋلىق ساقتاۋ ءمينيسترى اجار عينيات.

سونداي-اق، سالا باسشىسى حالىقتى قايتا ۆاكسينالاۋ بارىسى تۋرالى ايتتى. كۇن سايىن رەسپۋبليكادا 15 مىڭعا جۋىق ادام ەكپە سالدىرۋدا. ونىڭ ىشىندە Pfizer ۆاكسيناسىمەن يممۋنداۋ جوسپارعا ساي ءجۇرىپ جاتىر. بۇگىنگى تاڭدا ونىڭ 1 ميلليون دوزاسى قوردا ساقتاۋلى.