جوبا اياسىندا 100-دەن استام جاڭا جۇمىس ورنى اشىلادى.

ق ر اشم باسپا ءسوز قىزمەتىنىڭ مالىمەتىنشە، تۇرىكتىڭ Iskefe Holding كومپانياسى قازاقستاندا ءىقم تەرىسىن وڭدەۋگە جانە جەلاتين ءوندىرۋ زاۋىتىن سالۋعا 27 ملن اقش دوللار ينۆەستيسيالايدى، دەپ حابارلايدى Almaty-akshamy.kz

ق ر اۋىل شارۋاشىلىعى ءمينيسترى ەربول قاراشوكەيەۆتىڭ جاقىندا پرەزيدەنتتىك دەلەگاسيا قۇرامىندا تۇركياعا جاساعان ساپارى بارىسىندا قازاقستان رەسپۋبليكاسىنىڭ اۋىل شارۋاشىلىعى مينيسترلىگى مەن Iskefe Holding كومپانياسى اراسىندا ءوزارا تۇسىنىستىك تۋرالى مەموراندۋمعا قول قويىلدى.

تاراپتار الماتى قالاسىندا كومپانيانىڭ جەلاتين ءوندىرۋ زاۋىتىن سالۋدى ينۆەستيسيالاۋى تۋرالى كەلىستى. جوسپارلانعان ينۆەستيسيا كولەمى – 27 ملن اقش دوللارى. جوبانى ىسكە اسىرۋ مەرزىمى 2022-2023 جىل دەپ جوسپارلانىپ وتىر. جوبا اياسىندا 100-دەن استام جاڭا جۇمىس ورنى اشىلادى. كاسىپورىن يندۋستريالىق ايماعىندا ىسكە قوسىلادى، ال شيكىزات رەتىندە ءىرى قارا مال تەرىسى پايدالانىلاتىن بولادى.

زاۋىت قۇرىلىسى بيىل باستالىپ، 2023 جىلى پايدالانۋعا بەرىلەدى دەپ بولجانىپ وتىر، ءوندىرىس قۋاتى جىلىنا 7000 توننا جەلاتيندى قۇرايدى. 

ەلىمىزدە تەرىنى باستاپقى وڭدەۋ بويىنشا 9 كاسىپورىن جۇمىس ىستەيدى. ءبىراق، وڭدەۋشى كاسىپورىندار اۋىل شارۋاشىلىعى تاۋارىن وندىرۋشىلەرگە ءىقم وڭدەلمەگەن تەرىلەرىن ساتىپ الۋ ءۇشىن باسەكەگە قابىلەتتى باعا ۇسىنا الماۋدا.  ۇساق جانە جەكە قوسالقى شارۋاشىلىقتار جانۋارلاردىڭ تەرىسىن قوقىسقا تاستايدى، ال بۇل ءوز كەزەگىندە اسا ءقاۋىپتى اۋرۋلارىنىڭ تارالۋ ءقاۋپىن تۋدىرادى. 7000 توننا جەلاتيندى وڭدەۋ ءۇشىن شامامەن 38 مىڭ تونناعا جۋىق شيكىزات (تەرى) قاجەت.

ايتا كەتۋ كەرەك، تۇرىك حولدينگىنىڭ قۇرىلىمىنا تەرىنى وڭدەيتىن، جەلاتين، پروتەين، گيدروليزات، جانۋارلاردان الىناتىن سۇيىق امينقىشقىلدارىن وندىرەتىن 7 زاۋىت، سونداي-اق عىلىمي-زەرتتەۋ ورتالىعى مەن سىناق زەرتحانالارى كىرەدى. بۇگىنگى كۇنى Iskefe Holding بىلعارى سالاسىنداعى ينتەگراسيالانعان ءىرى ءوندىرۋشى، ونىڭ ۇلەسىنە ەۋروپا مەن ازياداعى وتكىزۋ نارىقتارىمەن سيىر جەلاتينىنە الەمدىك قاجەتتىلىكتىڭ 6% - ى تيەسىلى.