قازاقستاندا حالىقارالىق وقىتۋ ونلاين-پلاتفورمالارىنىڭ انالوگى ىسكە قوسىلادى
ق ر ەڭبەك جانە حالىقتى الەۋمەتتىك قورعاۋ مينيسترلىگى مەن «ەڭبەك رەسۋرستارىن دامىتۋ ورتالىعى» اق اعىمداعى جىلعى 28 ماۋسىمنان باستاپ قىسقا مەرزىمدى ونلاين-كۋرستارعا وقىتۋدىڭ skills.enbek.kz پورتالىن (بۇدان ءارى-پورتال) ىسكە قوسادى، دەپ حابارلايدى Almaty-akshamy.kz. مينيسترلىكتىڭ باسپا ءسوز قىزمەتى تاراتقان حابارعا سىلتەمە جاساپ.
قازاقستاندىق وقۋ ورتالىقتارى مەن وزگە دە ۇيىمدار كۋرستاردىڭ اۆتورلارى مەن ازىرلەۋشىلەرى بولا الادى.
پورتال ماركەتپلەيس (ونلاين-قىزمەتتەردى ساتىپ الۋ) قاعيداتى بويىنشا ونلاين-كۋرستاردى ۇسىناتىن وقىتۋ الاڭدارىنىڭ قازاقستاندىق انالوگى بولىپ تابىلادى. كەز كەلگەن ازامات تالاپ ەتىلەتىن داعدىلارعا نەمەسە بىلىكتىلىكتى ارتتىرۋ كۋرستارىنا وقۋعا قول جەتكىزە الادى. كۋرستىڭ اۆتورلارى مەن ازىرلەۋشىلەرى زاڭدى تۇلعالار مەن جەكە كاسىپكەرلەردى، سونىڭ ىشىندە وقۋ ورتالىقتارىن، ءبىلىم بەرۋ ۇيىمدارىن تارتۋدى جوسپارلاپ وتىر.
پورتال ەل حالقىنىڭ ءبىلىم دەڭگەيى مەن كاسىبيلىگىن ارتتىرۋ، مانساپتىق دامۋدى ىنتالاندىرۋ جانە «ءومىر بويى وقىتۋ» تۇجىرىمداماسىن ىلگەرىلەتۋ ماقساتىندا قۇرىلعان.
بۇدان باسقا، پورتالدىڭ الەۋمەتتىك ماقساتى جۇمىسسىز ادامداردى جۇمىسقا ورنالاستىرۋ مۇمكىندىكتەرىن جاقسارتۋ ءۇشىن مەملەكەت قاراجاتى ەسەبىنەن وقىتۋ بولىپ تابىلادى. بۇل فۋنكسيا 2021 جىلدىڭ ەكىنشى جارتىسىندا ىسكە قوسىلادى.
«ەردو» اق مۇددەلى ۇيىمداردى ونلاين-وقىتۋ باعىتىن دامىتۋدا ىنتىماقتاستىققا شاقىرادى. ونلاين كۋرستاردىڭ اۆتورى نەمەسە ازىرلەۋشىسى رەتىندە قاتىسۋ جانە ولاردى پورتال رەسۋرستارىن پايدالانۋ بويىنشا تولەمسىز ورنالاستىرۋ ءۇشىن https://skills.enbek.kz/ سىلتەمەسى بويىنشا تىركەۋدەن ءوتۋ قاجەت.
جاڭا باستاعان اۆتورلار مەن ازىرلەۋشىلەر ءۇشىن پورتالدا ونلاين كۋرستاردى قۇرۋ بويىنشا ادىستەمەلىك ۇسىنىمدار جانە ولارعا قويىلاتىن تالاپتار ازىرلەندى جانە ورنالاستىرىلدى.
اۆتورلار ءۇشىن پورتالداعى ارىپتەستىكتىڭ ارتىقشىلىقتارى مىناداي:
- قوسىمشا پلاتفورمالار مەن سايتتار قۇرۋعا ينۆەستيسيا سالماي-اق، ەلدىڭ بارلىق مۇددەلى ازاماتتارى ءۇشىن ءسىزدىڭ ونلاين-كۋرستارىڭىزدى ورنالاستىرۋ جانە ىلگەرىلەتۋ؛
- ازاماتتاردى، سونداي-اق جۇمىسسىز ادامداردى وقىتۋ كەزىندە قوسىمشا تابىس كوزىن الۋ مۇمكىندىگى.
Skills.enbek.kz پورتالىندا تىركەلۋ مەن ونى پايدالانۋ بويىنشا بارلىق ماسەلەلەر جونىندە ق ر ەڭبەكمينى «ەردو» اق جاۋاپتى قىزمەتكەرلەرىمەن بايلانىسۋدى سۇرايمىز:
- ايبۋلدينوۆا اينۇر، تەلەفون: 8 (7172) 95 43 17 (ءىش.405)، 87059873477، ەلەكتروندىق پوشتا: a.aibuldinova@enbek.kz؛
- كاپيتونوۆا دينارا، تەلەفوندار: 8 (7172) 95 43 17 (ءىش.405)، 87072503337، ەلەكتروندىق پوشتا: d.kapitonova@enbek.kz؛
- بيداحمەتوۆا ۆەنەرا، تەلەفوندار: 8(7172) 95 43 17 (ءىش.405)، 87789302101، ەلەكتروندىق پوشتا: v.bidakhmetova@ enbek.kz.