«ماقساتتى كاپيتال قورلارى تۋرالى» زاڭ جوباسى دايىندالدى.
بۇل تۋرالى ل. ن. گۋميليەۆ اتىنداعى ەۋرازيا ۇلتتىق ۋنيۆەرسيتەتى ۇيىمداستىرعان III حالىقارالىق ەنداۋمەنتتەر كونفەرەنسياسىنا قاتىسۋشىلار مالىمدەدى، دەپ حابارلايدى Almaty-akshamy.kz.
ق ر عىلىم جانە جوعارى ءبىلىم مينيسترلىگىنىڭ مالىمەتىنشە، فورۋم مەملەكەتتىك ورگانداردىڭ، ماقساتتى كاپيتال جانە قارجى سەكتورى قورلارىنىڭ، ەنداۋمەنت قورلاردىڭ جانە قازاقستان، رەسەي، قىرعىزستان، وزبەكستان، تاجىكستان جوعارى وقۋ ورىندارىنىڭ وكىلدەرىن بىرىكتىردى.
جيىنعا قاتىسۋشىلار قازاقستانداعى ەنداۋمەنت قورلاردىڭ بۇگىنگى احۋالى مەن دامۋ باسىمدىقتارىن، ولاردىڭ قىزمەتىن قولداۋ مەن رەتتەۋدەگى مەملەكەتتىك ورگانداردىڭ ءرولىن، ەنداۋمەنت اكتيۆتەرىن باسقارۋداعى يننوۆاسيالار مەن تەحنولوگيالاردى تالقىلادى ءارى تمد ەلدەرىندەگى ەنداۋمەنت تاجىريبەسىن قاراستىردى.
فورۋم بارىسىندا ەۇۋ رەكتورى ەرلان سىدىقوۆ ەنداۋمەنتتىڭ ءبىلىم بەرۋ مەكەمەلەرىنىڭ تۇراقتىلىعى مەن باسەكەگە قابىلەتتىلىگىن قامتاماسىز ەتۋدەگى نەگىزگى رولىنە توقتالدى. اكادەميك ۋنيۆەرسيتەت 2022 جىلى وتكىزگەن «قازاقستاننىڭ ەنداۋمەنتتەرى» ءبىرىنشى فورۋمى ەنداۋمەنت قورلارىنىڭ قىزمەتىنە قاجەتتى نورماتيۆتىك-قۇقىقتىق بازانى ازىرلەۋدىڭ نەگىزىنە اينالعانىن اتاپ ءوتتى.
ق ر عىلىم جانە جوعارى ءبىلىم ءمينيسترىنىڭ كەڭەسشىسى فارحاد قۋانعانوۆ ەۋرازيا ۇلتتىق ۋنيۆەرسيتەتى قازاقستانداعى ەنداۋمەنت قورلارى قوزعالىسىنىڭ العاشقى باستاماشىسى بولعانىن اتاپ ءوتتى. ونىڭ ايتۋىنشا، زاڭ جوباسىن دايىنداۋ كەزىندە ەنداۋمەنت قورلارى قۇرىلعان بارلىق ەلدەردىڭ حالىقارالىق تاجىريبەسى زەردەلەنگەن.
«ءبىر جىل بۇرىن كونفەرەنسياعا قاتىسۋشىلار ۇسىنىستار دايىنداپ، ەنداۋمەنت قورلارى تۋرالى جەكە زاڭ ازىرلەۋدى ۇسىندى. بۇگىندە بۇل ماسەلە پراكتيكالىق دەڭگەيگە كوشتى. جەكە زاڭ جوباسىن قابىلداۋ قاجەتتىلىگى قازىرگى زاڭنامادا ەنداۋمەنت قورلارىنا الەۋەتتى سالىمشىلاردى ىنتالاندىرۋ، دۇرىس ينۆەستيسيالاۋ جانە سالىمشىلار قاراجاتىنىڭ جۇمسالۋىن باقىلاۋ بويىنشا نورمالاردىڭ جوقتىعىنان تۋىنداپ وتىر. تابىستى ەنداۋمەنت قورلارى بار بارلىق ەلدەردە ءتارىزدى جەكە زاڭ قاجەت. قازاقستاندا ەنداۋمەنت قورلارى زاڭدى تۇلعانى كورپوراتيۆتىك، ينۆەستيسيالىق نەمەسە باسقا دا قور تۇرىندە تىركەۋگە ءماجبۇر، بۇل قايىرىمدىلىق تۋرالى زاڭدا كوزدەلگەن قىزمەتتى قيىنداتادى جانە سالىقتىق داۋلار تۋدىرادى. زاڭ جوباسىنىڭ قۇرىلىمى قازاقستان زاڭناماسىنىڭ تالاپتارىنا سايكەس جاسالعان. ونى ازىرلەۋ كەزىندە ەنداۋمەنت قورلارى تۋرالى قولدا بار نورمالاردى ساقتاۋعا جانە بارىنشا پايدالانۋعا تىرىستىق»، - دەپ ءتۇسىندىردى سپيكەر.
قازاقستان قارجىگەرلەرى قاۋىمداستىعىنىڭ باسقارۋشى ديرەكتورى ەرلان بۋرابايەۆ قارجى نارىعى قازاقستاننىڭ ەنداۋمەنت-قورلار جۇيەسىن قۇرۋعا بيىل عانا بەلسەندى تۇردە قاتىسقانىن اتاپ ءوتتى.
«ءبىز قازاقستانداعى ەنداۋمەنت قورلاردى دامىتۋ بويىنشا ۇسىنىستاردى قىزىعۋشىلىقپەن قابالدادىق. ارينە، قارجى نارىعى ەكونوميكاداعى كاپيتالدى قايتا بولۋمەن اينالىساتىن جۇيە رەتىندە ەنداۋمەنت قورلارىندا قالىپتاساتىن اقشانىڭ ەكونوميكا ءۇشىن ۇزاق مەرزىمدى ەكەندىگىنە قىزىعۋشىلىق تانىتادى. بۇل - قارجى نارىعى ءۇشىن ەڭ ماڭىزدى ەلەمەنت»، - دەپ تولىقتىردى قارجىگەر.
كونفەرەنسيا قورىتىندىسى بويىنشا رەزوليۋسيا قابىلداندى. ونىڭ اياسىندا قاتىسۋشىلار ادىستەمەلەردى ستاندارتتاۋ جانە ۇزدىكسىز ءبىلىم الۋ مەن ديالوگ الاڭىن قامتاماسىز ەتۋ ءۇشىن قازاقستان قورلارىنىڭ قاۋىمداستىعىن قۇرۋ تۋرالى شەشىم قابىلدادى. «ماقساتتى كاپيتال قورلارى (ەنداۋمەنت قورلارى) تۋرالى» ق ر زاڭىنىڭ جوباسىنا دا ساراپشىلار وڭ باعاسىن بەردى.
ايتا كەتەيىك، ENU Endowment Fund قورىن ل.ن.گۋميليەۆ اتىنداعى ەۋرازيا ۇلتتىق ۋنيۆەرسيتەتىنىڭ تۇلەكتەرى قۇرعان. قوردىڭ ماقساتتى كاپيتالىنا قول سۇعىلمايدى جانە ول جيناقتاۋشى سيپاتقا يە. قارجىلاندىرۋ تەك ودان تۇسكەن ينۆەستيسيالىق كىرىس ەسەبىنەن جۇزەگە اسىرىلادى. ەنداۋمەنت قورىنىڭ قۇرىلتايشىلارى دارىندى جانە مۇقتاج ستۋدەنتتەرگە قولداۋ كورسەتەدى، ستۋدەنتتەردىڭ عىلىمي، يننوۆاسيالىق جانە كاسىپكەرلىك قىزمەتىن ىنتالاندىرادى. ءقازىردىڭ وزىندە 30-عا جۋىق ستۋدەنت ENU Endowment Fund قورىنىڭ اتاۋلى جەكە گرانتتار مەن شاكىرتاقىلارعا يە بولدى.