الماتىدا «حالىققا قاتىساتىن بيۋدجەتءتىڭ» ۇزدىك باستاماسى بويىنشا داۋىس بەرۋدىڭ قورىتىندىسى شىقتى
«حالىق قاتىساتىن بيۋدجەت» اياسىندا 125 مىڭعا جۋىق داۋىستى (124 854) تۇرعىندار ۇيلەرىنىڭ، كوشەلەرى مەن اۋداندارىنىڭ اۋماعىن اباتتاندىرۋ جانە دامىتۋ ءۇشىن بەرگەن، دەپ حابارلايدى almaty-akshamy.kz
مەدەۋ (38 617)، جەتىسۋ (19 235) جانە اۋەزوۆ (17 515) اۋداندارىنىڭ تۇرعىندارى بەلسەندىلىك تانىتتى، بارلىق داۋىستىڭ 60%-ى سولارعا تيەسىلى. داۋىس بەرۋ بارىسىندا قالا تۇرعىندارى مىناداي باستامالاردى انىقتادى:
- الاتاۋ اۋدانىندا ەڭ كوپ داۋىس «مادەنيەت» تۇك-نىڭ اۋلا اۋماعىن اباتتاندىرۋ جانە اۆتوماتتى سۋارۋ جۇيەسىن ورناتۋ جوباسى؛ ءشارىپوۆ كوشەسى، 15 مەكەنجايىنداعى بالالار الاڭىن جوندەۋگە جانە ت.ب. بەرىلگەن؛
- المالى اۋدانىندا - قازىبەك بي كوشەسى، 124 ءۇي ماڭىنداعى اۋلا جانە ءۇي ماڭىنداعى اۋماقتى كوگالداندىرۋ؛ ۇلكەن الماتى وزەنى بويىنداعى «پانوراما» تۇك ماڭىنداعى جاعالاۋدى اباتتاندىرۋ جانە ت.ب.؛
- اۋەزوۆ اۋدانىندا – قابدولوۆ كوشەسى، 28 مەكەنجايىنداعى بوس ورىندى اباتتاندىرۋ؛ 2، 42 جانە ت.ب شاعىن اۋداندا فۋتبول الاڭىن جانە بالالار الاڭىن جاڭارتۋ؛
- بوستاندىق اۋدانىندا – گاگارين بۋلۆارىن جوندەۋ (اباي داڭعىلىنان جاندوسوۆ كوشەسىنە دەيىن)؛ پەرۆومايسكايا كوشەسىن اباتتاندىرۋ جانە ت.ب.؛
- جەتىسۋ اۋدانىندا – رىسقۇلوۆ داڭعىلى/برودسكيي كوشەسىندەگى زيرات قورشاۋلارىن جوندەۋ؛ اينابۇلاق 119،120،121،123 جانە ت.ب. ش/ا اۋلا اۋماعىن اباتتاندىرۋ؛
- مەدەۋ اۋدانىندا – جامبىل كوشەسىندەگى (قونايەۆ كوشەسىنەن نازاربايەۆ كوشەسىنە دەيىن) كوگالداردى اۆتوماتتى سۋارۋ؛ ەسەنتاي وزەنىنىڭ جاعالاۋىن جوندەۋ جانە ت.ب.؛
- ناۋرىزباي اۋدانىندا – «شۇعىلا سيتي» 6-10 تۇك سپورت جانە بالالار الاڭدارىن ورناتۋ؛ تاۋجولى جانە ت. ب ش/ا تروتۋارلاردى، پاندۋستاردى، ارىقتاردى سالۋ جانە جوندەۋ.
- تۇركسىب اۋدانىندا – مولداعالييەۆ كوشەسى، 28/1 تەرەڭدەتىلگەن كونتەينەرلىك الاڭ سالۋ؛ قاپشاعاي كوپىرىندەگى سۋارۋ جۇيەسىن جوندەۋ (بەكماحانوۆقا بۇرىلىس) جانە ت.ب.
2024 جىلى جۇزەگە اسىرۋعا رۇقسات ەتىلگەن جوبالاردىڭ تولىق تىزبەسىن budget.open-almaty.kz پورتالىنداعى «جوبالار بويىنشا ماتەريالدار» بولىمىنەن كورۋگە بولادى.