ق ر ەڭبەك جانە حالىقتى الەۋمەتتىك قورعاۋ مينيسترلىگى ەڭبەك قاۋىپسىزدىگى مەن ەڭبەكتى قورعاۋ ماسەلەلەرى بويىنشا قىزمەتكەرلەردى، باسشىلاردى جانە ەڭبەك قاۋىپسىزدىگى مەن ەڭبەكتى قورعاۋدى قامتاماسىز ەتۋگە جاۋاپتى تۇلعالاردى وقىتۋ، نۇسقاۋلىق وتكىزۋ جانە ولاردىڭ ءبىلىمىن تەكسەرۋ قاعيدالارى مەن مەرزىمدەرىنە وزگەرىستەر ەنگىزبەك. ءتيىستى ۆەدومستۆو باسشىسىنىڭ بۇيرىعىنىڭ جوباسى «اشىق نقا» پورتالىندا جاريالاندى، - دەپ حابارلايدى Aqshamnews.kz.
جاڭاشىلدىقتار ەڭبەك قاۋىپسىزدىگىن جەتىلدىرۋگە، وقىتاتىن ۇيىمدارعا قويىلاتىن تالاپتاردى ناقتىلاۋعا، نۇسقاۋلىق وتكىزۋ مەن ءبىلىمدى تەكسەرۋ ءتارتىبىن رەتتەۋگە، وقۋ ناتيجەلەرىن رەسىمدەۋدىڭ ءبىرىڭعاي تاسىلدەرىن ايقىنداۋعا، سونداي-اق بىلىكتىلىكتى راستاۋدىڭ اشىقتىعى مەن قولايلىلىعىن قامتاماسىز ەتەتىن ەلەكتروندىق سەرتيفيكاتتاردى ەنگىزۋگە باعىتتالعان.
جوبادا كورسەتىلگەندەي، وزگەرىستەر قازاقستان رەسپۋبليكاسى دەنساۋلىق ساقتاۋ جانە الەۋمەتتىك دامۋ ءمينيسترىنىڭ 2015 جىلعى 25 جەلتوقسانداعى № 1019 «قىزمەتكەرلەردىڭ، باسشىلاردىڭ جانە ەڭبەك قاۋىپسىزدىگى مەن ەڭبەكتى قورعاۋدى قامتاماسىز ەتۋگە جاۋاپتى ادامداردىڭ ەڭبەك قاۋىپسىزدىگى جانە ەڭبەكتى قورعاۋ ماسەلەلەرى بويىنشا وقىتۋدى، نۇسقاۋلىق وتكىزۋدى جانە ءبىلىمىن تەكسەرۋدى جۇرگىزۋ قاعيدالارى مەن مەرزىمدەرىن بەكىتۋ تۋرالى» بۇيرىعىنا ەنگىزىلەدى.
بۇيرىق جوباسى 2025 جىلعى 11 جەلتوقسانىنا دەيىن «اشىق نقا» ينتەرنەت-پورتالىندا قوعامدىق تالقىلاۋ ءۇشىن ورنالاستىرىلدى.