قازاقستاندا اۋرۋعا شالدىققان بالالاردىڭ ارمانىن ورىندايتىن جوبا باستالدى

«ارماندار اعاشى» جوباسى جۇزەگە اسىرىلىپ جاتىر.

ەلوردادا «ارماندار ورىندالادى» جوباسى اياسىندا «ارماندار اعاشى» اكسياسى باستالدى، دەپ حابارلايدى Almaty-akshamy.kz  Baq.kz سىلتەمە جاساپ.

ەلىمىزدە 3-14 جاس ارالىعىنداعى اۋرۋعا شالدىققان بۇلدىرشىندەردىڭ ارمانىن ورىنداۋ ماقساتىندا «ارماندار اعاشى» جوباسى جۇزەگە اسىرىلىپ جاتىر. «مەديسينا جاستارى» قوعامدىق بىرلەستىگىنىڭ ۇيتقى بولۋىمەن بىلتىر 117 بالانىڭ ارمانى ورىندالعان. ەندى «ازاماتتىق باستامالاردى قولداۋ ورتالىعىنىڭ» گرانتى اياسىندا جوبا اۋقىمىن كەڭەيىپ، ەلىمىزدىڭ 17 ايماعىندا جۇزەگە اسىرماق. جوباعا مەملەكەت تاراپىنان 25 ميلليون ءبولىندى. جىل باسىنان بەرى 320 ناۋقاستان ءوتىنىش تۇسكەن. اۋىر اۋرۋعا شالدىققان بۇلدىرشىندەرگە بالا ارماندارىن ونلاين تىركەۋ مۇمكىندىگى دە بار.

«ءبىز اكسەنتتى جازىلمايتىن ونكولوگيالىق اۋرۋلارعا، دسپ جانە داۋن اۋرۋلارعا، ءتۇرلى سپاستيكالىق جانە پاراليتيكالىق اۋرۋلارى بار اۋقاستارعا كوڭىل بولەمىز. قوسىمشا سپونسورلار مەن مەدسەناتتاردى، باسقا دا ەرىكتى، قايىرىمدى جانداردى جوبامىزعا تارتىپ وتىرامىز»، - دەيدى ، «مەديسينا جاستارى» قوعامدىق بىرلەستىگىنىڭ ءتوراعاسى ءابدىراش ابىلايحان.

اتالعان جوبانى «قازاقستاننىڭ مەديسينالىق جاستارى» رقب ق ر اقپارات جانە قوعامدىق دامۋ مينيسترلىگىنىڭ ازاماتتىق باستامالاردى قولداۋ ورتالىعىنىڭ قولداۋىمەن ىسكە اسىرۋدا.