مۇنى رەفەرەندۋمنىڭ ناتيجەسىنە قاراپ-اق ايتۋعا بولادى.
ەل ءۇشىن ماڭىزدى ساياسي شارا كەزىندە حالىق بەلسەندىلىك تانىتىپ، پرەزيدەنت باستامالارىن قولدايتىنىن كورسەتتى. مۇنداي پىكىر «Sarap» ەكسپەرتتىك كلۋبىنىڭ وتىرىسىندا ايتىلدى، دەپ حابارلايدى Almaty-akshamy.kz
5 ماۋسىمدا قازاقستاندىقتار دەموكراتيالىق وزگەرىستەر ءۇشىن داۋىس بەردى. ەندى كونستيتۋسيالىق رەفورمالاردى ىسكە اسىرۋ كەزەڭىندە كوپتەگەن زاڭعا وزگەرىس ەنگىزىلەدى. وسى زاڭداردى قاراۋ كەزىندە دە قوعامنىڭ بەلسەندى بولۋى ماڭىزدى.
«سوندا عانا ءبىز دەموكراتيالىق، قۇقىقتىق، ادىلەتتى جانە الەۋمەتتىك مەملەكەت قۇرامىز»، - دەيدى جيىنعا قاتىسۋشىلار.
"جيىرماعا جۋىق زاڭعا وزگەرىس ەنگىزۋ كەرەك. ول دا ۇلكەن جۇمىس. بۇعان تەك مەملەكەتتىك قىزمەتكەرلەر ەمەس، ازاماتتىق قوعام ينستيتۋتتارى، ساياسي بەلسەندى ازاماتتار ارالاسۋ كەرەك. ويتكەنى وسىنداي تالقىلاۋ بارىسىندا، جيىنداردا بارلىق ازاماتتىڭ كوزقاراسى ايتىلۋى كەرەك، ياعني سول جەردە ەلىمىزگە، جۇيەگە ءتيىمدى زاڭدار دۇنيەگە كەلەدى"، - دەدى قازاقستاندىق قوعامدىق دامۋ ينستيتۋتىنىڭ ساراپشىسى ايان ساكوشيەۆ.