قازاقستاندىق مەديسينا تاريحىندا تۇڭعىش رەت «ا.ن. سىزعانوۆ اتىنداعى ۇلتتىق عىلىمي حيرۋرگيا ورتالىعى» اق بازاسىندا پروفەسسور بولاتبەك بايماحانوۆتىڭ جەتەكشىلىگىمەن ترانسپلانتولوگ دارىگەرلەر كومانداسى بىرەگەي بۇيرەكتى ۇشتىك ايقاس ترانسپلانتاتتاۋ وپەراسياسىن جاسادى.
ءبىر كۇندە، 12 ساعات بويى مەديسينالىق كورسەتىلىمدەر بويىنشا تۋىستارىمەن ۇيلەسپەيتىن پاسيەنتتەردىڭ اراسىندا ءۇش دونورلىق وپەراسيا جانە ءۇش بۇيرەكتى ترانسپلانتاتتاۋدى جۇرگىزدى. ايقاس دونورلىق ءادىسىنىڭ ارقاسىندا ولاردىڭ ءارقايسىسى جاڭا ومىرگە مۇمكىندىك الدى، دەپ حابارلايدى aqshamnews.kz.
بۇيرەكتى ايقاس ترانسپلانتاتتاۋ ءبىر ۋاقىتتا بىرنەشە اعزانى ترانسپلانتاتتاۋعا مۇمكىندىك بەرەدى جانە ءبىر بىرىنە تۋىس ەمەس دونورلار مەن رەسيپيەنتتەردىڭ اراسىندا جۇرگىزىلدى. باسقاشا ايتقاندا، تۋىسقان دونور جاقىن ادامىنا قان نەمەسە تىندىك ۇيلەسىمسىزدىككە بايلانىستى كومەكتەسە الماسا، دارىگەرلەر ۇقساس جاعدايى بار باسقا وتباسىن تابادى. ەگەر جۇپتار بىر-بىرىنە سايكەس كەلسە - ايىرباس جاسالادى جانە وپەراسيا مۇمكىن بولادى.
قازاقستان وسىنداي جوعارى تەحنولوگيالىق ارالاسۋلار جۇرگىزىلىپ جاتقان الەمنىڭ التى ەلىنىڭ قاتارىنا كىرەتىنىن ايتا كەتكەن ءجون. اقش، ۇلىبريتانيا، يزرايل، تۇركيا جانە ۇندىستانمەن قاتار ءبىزدىڭ ەلىمىز ترانسپلانتولوگيانىڭ دامۋىنىڭ جوعارى دەڭگەيىن كورسەتەدى، ويتكەنى مۇنداي وپەراسيالاردى جۇرگىزۋ جوعارى بىلىكتىلىك پەن شەبەرلىكتى تالاپ ەتەدى. 7 دونور مەن 7 رەسيپيەنت قاتىسقان ەڭ ۇلكەن بۇيرەكتى ترانسپلانتاتتاۋ 2019 جىلى تۇركيادا جاسالدى.
بۇل تاجىريبە - قازاقستاندىق ترانسپلانتولوگيانى دامىتۋداعى ماڭىزدى كەزەڭ بولىپ تابىلادى. 2022 جىلى «University medical center» كورپوراتيۆتىك قورىندا (استانا) العاش رەت بالالارعا بۇيرەكتى ترانسپلانتاتتاۋ جۇرگىزىلدى. وپەراسيالار ءبىر ۋاقىتتا ءتورت وپەراسيالىق زالدا ءوتتى، ال دونورلار جاس پاسيەنتتەردىڭ انالارى بولدى.
2024 جىلى ا.ن. سىزعانوۆ اتىنداعى ۇعحو-دا پروفەسسور بايماحانوۆتىڭ جەتەكشىلىگىمەن العاش رەت ەرەسەك پاسيەنتتەرگە بۇيرەكتى ترانسپلانتاتتاۋ جۇرگىزىلدى. ءساتتى جۇرگىزىلگەن وپەراسيالاردان باستاپ باعدارلاماعا قاتىساتىن جۇپتاردىڭ سانى جىل سايىن ارتىپ كەلەدى. ەندى - ەل تاريحىنداعى العاشقى ۇشتىك وپەراسيا جاسالدى.
بۇگىندە قازاقستاندا دونورلىق اعزالاردىڭ جەتىسپەۋشىلىگى كەزىندە بارلىق زاماناۋي بالامالار ەنگىزىلدى: الترۋيستىك دونورلىق، اۆو-ۇيلەسىمسىز جانە بۇيرەكتى ايقاس ترانسپلانتاتتاۋ.
بۇيرەكتى ترانسپلانتاتتاۋدىڭ ءوسىپ كەلە جاتقان قاجەتتىلىگى جانە گەمودياليزدەگى پاسيەنتتەردىڭ كوبەيۋى جاعدايىندا ايقاس دونورلىق باعدارلاماسىن كەڭەيتۋ پاسيەنتتەردىڭ ءومىرىن ساقتاپ قالۋ مەن ۇلتتىق ترانسپلانتولوگيانى دامىتۋداعى ماڭىزدى قادام بولىپ تابىلادى.