بۇگىن پەدياتريا جانە بالالار حيرۋرگياسى عىلىمي ورتالىعىندا قازاقستان رەسپۋبليكاسىندا ساراپتامالىق كلاستىڭ ەڭ جاڭا جابدىعى - Calculase III لازەرلىك جۇيەسىمەن جاراقتاندىرىلعان العاشقى وپەراسيالىق بولمەنىڭ سالتاناتتى اشىلۋى ءوتتى.
سالتاناتتى راسىمگە جاپونيانىڭ قر-داعى توتەنشە جانە وكىلەتتى ەلشىسى ياسۋماسا ييدزيما مىرزا قاتىستى. جابدىق جاپونيا ۇكىمەتىنىڭ «KUSANONE (كورني تراۆى/ءشوپ تامىرى)» گرانتتىق باعدارلاماسى شەڭبەرىندە ورناتىلعان.
«يننوۆاسيا وپەراسيا بولمەسىنىڭ كورىنىسىن تەز وزگەرتىپ، حيرۋرگيانىڭ تيىمدىلىگى مەن قاۋىپسىزدىگىن ارتتىرادى. Calculase III لازەرلىك جۇيەسى العاش رەت قازاقستاننىڭ بالالار ۋرولوگياسىندا بالالارداعى نەسەپ شىعارۋ جۇيەسىنىڭ تۋا بىتكەن جانە جۇرە پايدا بولعان اۋرۋلارىن ەندوسكوپيالىق دياگنوستيكالاۋ جانە ەمدەۋ ءۇشىن قولدانىلادى»، - دەپ اتاپ ءوتتى ۋرولوگيا بولىمشەسىنىڭ مەڭگەرۋشىسى باقىتجان ابەكەنوۆ.
بۇرىن تومەنگى نەسەپ شىعارۋ جولدارىنىڭ پاتولوگياسى بار بالالارعا وپەراسيالار اشىق ادىسپەن، ۇزاقتىعى 2 ساعاتقا دەيىن جانە 14 كۇنگە دەيىن ەمدەۋگە جاتقىزىلدى.
لازەرلىك ليتوتريپسيانى ەنگىزۋمەن:
• وپەراسيانىڭ ۇزاقتىعى 20 مينۋتقا دەيىن قىسقاردى؛
• جۇمساق ماسكالىق ناركوز قولدانىلادى؛
• بالا ەمشارادان كەيىن بىردەن اناسىنا بەرىلۋى مۇمكىن؛
• ەمدەۋگە جاتقىزۋ مەرزىمى 7 كۇنگە دەيىن قىسقاردى.
ءادىستىڭ باستى ارتىقشىلىعى - جاراقات الۋ جانە وپەراسيا كەزىندە دە، وپەراسيادان كەيىنگى كەزەڭدە دە قاۋىپتەردى ازايتۋ.
پەدياتريا جانە بالالار حيرۋرگياسى عىلىمي ورتالىعى قازاقستاندىق بالالارعا ەڭ زاماناۋي جانە ءقاۋىپسىز ەمدەۋ ادىستەرىنە قول جەتكىزۋدى قامتاماسىز ەتە وتىرىپ، يننوۆاسيالاردى ەنگىزۋدى جالعاستىرۋدا.