الماتىدا تەرگەۋ يزولياتورىنا قۇرمانىڭ ىشىنە ەسىرتكى جاسىرىپ وتكىزبەك بولعان كۇدىكتى انىقتالدى.
وقيعا الماتى قالاسى بويىنشا قىلمىستىق-اتقارۋ جۇيەسى دەپارتامەنتىنىڭ №72 مەكەمەسىندە تىركەلگەن، - دەپ حابارلايدى Aqshamnews.kz
قاجد مالىمەتىنشە، مەكەمەنىڭ قابىلداۋ-تاپسىرۋ بولمەسىندە وزىندىك قاۋىپسىزدىك ءبولىمى مەن جەدەل توپ قىزمەتكەرلەرى بىرىگىپ، تەرگەۋ قاماۋىنداعى ازاماتقا جەتكىزىلگەن سالەمدەمەنى تەكسەرۋ بارىسىندا قۇرمانىڭ ىشىنە جاسىرىلعان وتكىر ءيىستى بەلگىسىز ۇنتاقتى انىقتاعان.
سالەمدەمە اكەلگەن ازامات ءوز سوزىندە كۋرەر ەكەنىن ايتىپ، پاكەتتىڭ ىشىندە نە بارىن بىلمەگەنىن العا تارتقان. وقيعا بويىنشا الماتى قالاسى پوليسيا دەپارتامەنتىنىڭ تۇركسىب اۋداندىق پوليسيا باسقارماسىنان ارنايى توپ شاقىرتىلعان. قازىرگى ۋاقىتتا اتالعان فاكت بويىنشا ماتەريالدار جيناقتالىپ، اكىمشىلىك جاۋاپكەرشىلىككە تارتۋ شارالارى قاراستىرىلىپ جاتىر.