جىل سايىن 600-گە جۋىق بالادان قاتەرلى ىسىك انىقتالادى.
بۇل - دەنساۋلىق ساقتاۋ مينيسترلىگىنىڭ دەرەگى. دارىگەرلەر دەرتتىڭ جاسارىپ بارا جاتقانىنا الاڭداۋلى. ءقازىر قاتەرلى ىسىككە شالدىققان 4 مىڭعا جۋىق بالا مامانداردىڭ باقىلاۋىندا، دەپ حابارلايدى Almaty-akshamy.kz Qazaqstan.tv-عا سىلتەمە جاساپ.
جالپى 13 مىڭنان استام ادام، اتى جامان اۋرۋدىڭ قۇربانى بولادى. دارىگەرلەر اۋرۋدى ەرتە انىقتاسا دەرتتەن ايىعۋعا مۇمكىندىك بار دەيدى. ونكولوگيالىق كومەك كەزەڭ-كەزەڭىمەن جۇزەگە اسىرىلادى. ناۋقاستارعا 500-دەن استام دارىگەر ەم-دوم جاسايدى. بۇگىندە جىل سايىن وسى باعىتتا 30 مىڭ ەم-دوم جاسالىپ ءجۇر .
«جىل سايىن 30 مىڭ ونكولوگيالىق وپەراسيا حيميوتەراپيا نەمەسە تاۋەلسىز ءادىس رەتىندە جاسالادى. بۇل رەتتە بەينەەندوسكوپيالىق جابدىقتى پايدالانا وتىرىپ ورىندالاتىن وپەراسيالاردىڭ ۇلەسى 30%-عا دەيىن ۇلعايادى. 14 مىڭ پاسيەنت حيميوتەراپيالىق ەم الادى، بۇل جىلىنا شامامەن 90 مىڭ سەانس»، - ق ر دەنساۋلىق ساقتاۋ ءمينيسترىنىڭ ورىنباسارى ۆياچەسلاۆ دۋدنيك.