بالالاردىڭ ءتىلىن قازاقشا شىعارۋعا قاجەتتى زاماناۋي قۇرالدار جارىق كورەدى.
بۇل تۋرالى ۇلتتىق ارنانىڭ «باس تاقىرىپ» باعدارلاماسىندا حالىقارالىق «قازاق ءتىلى» قوعامىنىڭ پرەزيدەنتى راۋان كەنجەحان ۇلى ايتتى، دەپ حابارلايدى Almaty-akshamy.kz Qazaqstan.tv-عا سىلتەمە جاساپ.
ول الداعى ۋاقىتتا قازاق ءتىلى بويىنشا وقۋ ساۋاتتىلىعىن، جازۋ مادەنيەتىن قالىپتاستىراتىن جوبا جۇزەگە اسادى- دەدى.
«ال ەندى وقۋعا قىزىقتىرۋ ءۇشىن جاقسى ماتىندەر كەرەك، بالانى قىزىقتىراتىن. زامانعا لايىق. بالانىڭ ويىنا لايىق. بالانىڭ دەڭگەيىنە ساي بولۋ كەرەك.گرامماتيكالىق دەپ اتالادى، ياعني بالانىڭ ءار جاسىنا ساي، قانشا ءسوز ءبىلۋ كەرەك سول جاعى قامتىلادى»، - دەيدى حالىقارالىق «قازاق ءتىلى» قوعامىنىڭ پرەزيدەنتى، ۇلتتىق قۇرىلتاي مۇشەسى راۋان كەنجەحان ۇلى.