ق ر پرەمەر-مينيسترىنىڭ ورىنباسارى – ۇلتتىق ەكونوميكا ءمينيسترى سەرىك جۇمانعارين ۇكىمەت وتىرىسىندا قازاقستاندا بيزنەستىڭ كرەديتتەرىنە كەپىلدىك بەرەتىن 2 قور قۇرىلاتىنىن ءمالىم ەتتى، دەپ حابارلايدى aqshamnews.kz.
ول بيزنەستىڭ نەسيەلەرىنە كەپىلدىك بەرۋ تەتىگى ءتيىمدى تاجىريبە رەتىندە، سونىڭ ىشىندە باسقا ەلدەردە دە ءوزىن دالەلدەگەنىن اتاپ ءوتتى. سوندىقتان 2 كەپىلدىك بەرۋ قورى قۇرىلادى. ونىڭ ءبىرى شاعىن جانە ورتا بيزنەسكە ارنالادى.
«شاعىن جانە ورتا بيزنەس ءۇشىن كرەديتتەرگە كەپىلدىك بەرۋ جانە پايىزدىق مولشەرلەمەلەردى سۋبسيديالاۋ كولەمى ۇلعايادى. بيىلدىڭ وزىندە 1،7 ترلن تەڭگە سوماسىنا 30 مىڭعا جۋىق شوب جوباسىنا قولداۋ كورسەتىلەدى»، - دەدى سەرىك جۇمانعارين.سونىمەن قاتار ەلىمىزدە ءىرى بيزنەستىڭ كرەديتتەرىنە كەپىلدىك بەرۋ ءۇشىن جاڭا قور قۇرىلاتىن بولادى. ءىرى بيزنەسكە ارنالعان كەپىلدىك قورى ءىرى جانە ستراتەگيالىق ماڭىزدى جوبالاردى كەپىلمەن جەتكىلىكتى تۇردە قامتاماسىز ەتۋ ماسەلەسىن شەشەدى.