ەل سپورتشىلارى پاريجدە وتكەن الەمدىك كۋبوكتىڭ ءبىرىنشى كەزەڭىندە كۇمىس مەدال يەلەندى. بۇل – قازاقستان كومانداسىنىڭ وسى تۋرنيردەگى ءۇشىنشى جۇلدەسى، دەپ حابارلايدى aqshamnews.kz
فرانسيا استاناسىندا وتەتىن كۋبوكتىڭ ارتيستيكالىق ءجۇزۋ بويىنشا العاشقى كەزەڭىندە ارتۋر مايدانوۆ پەن ۆالەريا ستولبۋنوۆا دۋەتى وزدەرىنىڭ كوركەم ورىنداۋىمەن اسەم ونەر كورسەتىپ، كۇمىس مەدالگە يە بولدى.
سونىمەن قاتار، قازاقستاندىق ەدۋارد كيم جەكە ەسەپتە كۇمىس مەدال جەڭىپ الدى.
ايتا كەتەيىك، بۇل بەدەلدى جارىسقا 22 ەلدەن 167 سپورتشى قاتىسۋدا. قازاقستان كومانداسى وسىنداي بيىك ناتيجەلەرىمەن ەل نامىسىن ابىرويمەن قورعاپ كەلەدى.