بۇل تۋرالى ۇكىمەت جيىنىندا بەلگىلى بولدى
ق ر پرەمەر-مينيسترى اسقار ءماميننىڭ توراعالىعىمەن وتكەن ۇكىمەت وتىرىسىندا قازاقستاننىڭ قۇرىلىس سالاسىن دامىتۋ ماسەلەلەرى قارالدى، دەپ حابارلايدى Almaty-akshamy.kz
يندۋستريا جانە ينفراقۇرىلىمدىق دامۋ ءمينيسترى بەيبىت اتامقۇلوۆ، «سامۇرىق-قازىنا» اق باسقارما ءتوراعاسى الماسادام ساتقالييەۆ، «بايتەرەك» ۇبح» اق باسقارما ءتوراعاسى ايدار ءارىپحانوۆ، اقمولا وبلىسىنىڭ اكىمى ەرمەك مارجىقپايەۆ، شىمكەنت قالاسىنىڭ اكىمى مۇرات ايتەنوۆ بايانداما جاسادى.
يندۋستريا جانە ينفراقۇرىلىمدىق دامۋ ءمينيسترى بەيبىت اتامقۇلوۆتىڭ ايتۋىنشا، قۇرىلىس سالاسى – ەكونوميكانىڭ بەلسەندى دامىپ كەلە جاتقان سالالارىنىڭ ءبىرى.
ول ەكونوميكانىڭ ارالاس سەكتورلارىن بىرىكتىرەدى، الەۋمەتتىك ماڭىزى زور جانە ەكونوميكالىق ءوسىمنىڭ لوكوموتيۆى. 2020 جىلدىڭ قورىتىندىسىندا ەلدىڭ جالپى ىشكى ونىمىندەگى قۇرىلىس سالاسىنىڭ ۇلەسى 6،1% قۇرادى. بيىل 11 ايدىڭ قورىتىندىسىندا قۇرىلىس جۇمىستارىنىڭ كولەمى 4،6 ترلن تەڭگە بولدى.
بۇل وتكەن جىلعىدان 6،2% جوعارى. بۇگىنگى تاڭدا قۇرىلىس سالاسىندا 46 476 كاسىپورىن جۇمىس ىستەيدى (ونىڭ ىشىندە قۇرىلىس ماتەريالدارى وندىرىسىندە – 2 420 كاسىپورىن. 641 مىڭ قىزمەتكەر مەن مامان جۇمىسپەن قامتىلعان.
مەملەكەت باسشىسىنىڭ تاپسىرماسىنا سايكەس، سونداي-اق Nur Otan پارتياسىنىڭ سايلاۋالدى باعدارلاماسىنا سايكەس 2025 جىلعا دەيىن 103 ملن شارشى مەتر تۇرعىن ءۇي سالۋ جوسپارلانۋدا. 977 مىڭ وتباسى باسپانامەن قامتاماسىز ەتىلەدى.