ق ر پرەمەر-مينيسترى اسقار ءماميننىڭ توراعالىعىمەن وتكەن ۇكىمەت وتىرىسىندا دەنساۋلىق ساقتاۋ ءمينيسترىنىڭ مىندەتىن اتقارۋشى جاندوس بۇركىتبايەۆ سانيتارلىق-ەپيدەميولوگيالىق جاعداي تۋرالى بايانداما جاسادى
الەمدە سىرقاتتانۋ دەڭگەيى وسۋدە، ونىڭ ىشىندە سوڭعى ايدا اۋرۋ ەۋروپادا 11% وسكەن، تىنىق مۇحيتى وڭىرىندە جانە افريكادا 10% قۇرادى، دەپ حابارلايدى Almaty-akshamy.kz رrimeminister.kz-كە سىلتەمە جاساپ
دۇنيەجۇزىلىك دەنساۋلىق ساقتاۋ ۇيىمىنىڭ دەرەكتەرى بويىنشا ەۋروپادا سوڭعى ەكى اپتادا 54 ەلدىڭ ىشىندە 18-ىندە سىرقاتتانۋشىلىق وسكەن، ونىڭ ىشىندە يسپانيادا، يتاليادا – 97%، دانيادا – 89%، ۇلىبريتانيادا، پورتۋگاليادا – 69%، فرانسيادا –39% وسكەن.
«قازاقستاندا سوڭعى ەكى اپتادا اۋرۋشاڭدىق 32% تومەندەدى. قازاقستان رەسپۋبليكاسىندا كوروناۆيرۋس ينفەكسياسى بويىنشا ەپيدەميولوگيالىق جاعداي تۇراقتى. كۇن سايىن ورتا ەسەپپەن وڭ پتر تەستىمەن كوروناۆيرۋس ينفەكسياسىنىڭ 500 جۋىق جانە تەرىس پتر تەستىمەن 50 جۋىق جاعدايى تىركەلەدى»، - دەدى ج. بۇركىتبايەۆ.
ەپيدەميولوگيالىق جاعدايدى باعالاۋ ماتريساسىنا سايكەس بۇگىنگى كۇنى 15 ءوڭىر جانە قازاقستان رەسپۋبليكاسى «جاسىل ايماقتا» ورنالاسقان. 2 ءوڭىر – سولتۇستىك قازاقستان وبلىسى جانە نۇر-سۇلتان قالاسى «سارى ايماقتا». «قىزىل ايماقتا» تۇرعان ءوڭىر جوق. رەپرودۋكتيۆتى سان – 0،95 قۇرايدى. قىركۇيەك ايىنان باستاپ ەمدەلىپ شىققان ادامداردىڭ سانى ناۋقاستاردان 30% ارتقان. رەسپۋبليكادا حالىقتى كۆي-گە قارسى ۆاكسينالاۋ جالعاسۋدا.
بۇگىنگى كۇنى ءبىرىنشى كومپونەنتپەن ەگىلۋگە ءتيىستى حالىقتىڭ 78،6% ەگىلدى، ەكىنشى كومپونەنتپەن 74،4% ەگىلدى. ەپيدەميولوگيالىق جاعدايعا اسەر ەتەتىن جاعىمسىز فاكتورلاردىڭ ءبىرى – الەمدە «وميكرون» شتامىنىڭ جىلدام تارالۋى. 30 قاراشاداعى جاعداي بويىنشا «وميكرون» 16 ەلدە انىقتالسا، بۇگىنگى كۇنى اۋرۋ الەمنىڭ 110 ەلىندە انىقتالدى. وميكروننىڭ تارالۋ كوەففيسيەنتى جوعارى، ول 1:5 تەڭ، قايتا جۇقتىرۋ ءقاۋپى وتە جوعارى. دۇنيەجۇزىلىك دەنساۋلىق ساقتاۋ ۇيىمىنىڭ بولجامى بويىنشا اۋرۋ بىرنەشە اي ىشىندە بۇكىل الەمگە تارالادى.
«دۇنيەجۇزىلىك دەنساۋلىق ساقتاۋ ۇيىمىنىڭ دەرەكتەرى بويىنشا COVID-19-عا قارسى ۆاكسينا سالۋ شاراسى تيىمدىلىگىن كورسەتتى. سونىمەن قاتار ءبىرقاتار شەتەلدىك زەرتتەۋلەردىڭ ناتيجەسىنە سايكەس ەكپە العان ادامداردا ينفەكسيادان قورعاۋ 6 ايدان كەيىن ورتا ەسەپپەن 1،8 ەسە تومەندەيدى. قازىرگى ۋاقىتتا كۆي بويىنشا تۇراقتى ەپيدەميولوگيالىق جاعدايدى ساقتاۋ وتە ماڭىزدى»، - دەدى دەنساۋلىق ساقتاۋ ءمينيسترىنىڭ م. ا. ج. بۇركىتبايەۆ وسىعان بايلانىستى جەرگىلىكتى اتقارۋشى ورگاندار حالىققا ۆاكسيناسيا جۇرگىزۋدى كۇشەيتىپ، جاپپاي ريەۆاكسيناسيا جۇرگىزۋدى تەزدەتۋى قاجەت ەكەنىن ايتتى.
قازىرگى تاڭدا 9،2 ملن ادام ريەۆاكسيناسيا جاساتۋى ءتيىس، ونىڭ ىشىندە 400 مىڭنان استام ادام ريەۆاكسيناسيادان وتكەن.
بۇدان باسقا، ساۋدا-ويىن-ساۋىق ورتالىقتارىنا، ساۋدا ۇيلەرىنە؛ سپورت ورتالىقتارى مەن فيتنەس-ورتالىقتارعا، يوگا-ورتالىقتارىنا؛ كاراوكە؛ باسسەين؛ ساۋنالارعا، مونشالارعا؛ «قازپوشتا» بولىمشەلەرىنە؛ حالىققا قىزمەت كورسەتۋ ورتالىقتارىنا «Ashyq» قوسىمشاسىمەن جاسىل ستاتۋسى بار ادامداردىڭ كىرۋىنە رۇقسات بەرۋ جونىندە قوسىمشا پروفيلاكتيكا شارالارىن ەنگىزۋ ۇسىنىلادى. وسى نورمانى 2022 جىلدىڭ 5 قاڭتارىنان باستاپ ەنگىزۋ ۇسىنىلادى.