2026 جىلدىڭ باسىندا الەۋمەتتىك جەلىدە 2016 جىل ترەندكە اينالدى. جۇرت 10 جىل بۇرىعى سۋرەتتەرى مەن ەستەلىكتەرىن ءبولىسىپ جاتىر. قازاقستاندا 2016 جىلى قانداي ەلەۋلى وزگەرىستەر بولدى؟ جىل نەسىمەن ەستە قالدى؟ aqshamnews.kz ءتىلشىسى ءتىزىپ شىقتى.
تاۋەلسىزدىككە 25 جىل
2016 جىلعى 16 جەلتوقساندا قازاقستان تاۋەلسىزدىگىنىڭ 25 جىلدىعى اتاپ ءوتىلدى. پارلامەنت تاۋەلسىزدىكتىڭ 25 جىلدىعىنا ارنالعان دەكلاراسيا قابىلدادى.
theNews.kz
"الماتى ارەنا" مەن "حالىق ارەنا" سالىندى
الماتىدا حالىقارالىق ستاندارتقا ساي ەكى ءىرى نىسان بوي كوتەردى: "الماتى ارەنا" جانە "حالىق ارەنا". ولار كەيىن 2017 جىلعى قىسقى ۋنيۆەرسيادا ءۇشىن نەگىزگى الاڭداردىڭ بىرىنە اينالدى.
gov.kz
ءماجىلىس سايلاۋى
20 ناۋرىزدا ءماجىلىس دەپۋتاتتارىن كەزەكتەن تىس سايلاۋ ءوتتى. ناتيجەسىندە پارلامەنتكە ءۇش پارتيا ءوتتى:
- "نۇر وتان" (قازىرگى Amanat)
- "اق جول"
- قكحپ / كنپك (كوممۋنيستىك حالىق پارتياسى)
informburo.kz
ريو وليمپياداسى
2016 جىلى قازاقستان قۇراماسى جازعى وليمپيادادا جوعارى ناتيجە كورسەتتى: 18 مەدال (2 التىن، 5 كۇمىس، 9 قولا). سول كەزدە جالپى ەسەپتە 22-ورىن اتالدى، ءبىراق 2022 جىلى نيدجات راگيموۆتىڭ التىن مەدالى دوپينگكە بايلانىستى كەرى قايتارىلعاننان كەيىن كورسەتكىش قايتا قارالىپ، كوماندا تومەن سىرعىدى.
http://olimp.kcbux.ru/
كەيكي باتىردىڭ باس سۇيەگىنىڭ ەلگە ورالۋى
ۇزاق كەلىسسوزدەردەن سوڭ 2016 جىلعى قازاندا كەيكي باتىردىڭ باس سۇيەگى پەتەربورداعى كۋنستكامەرادان تاريحي وتانىنا قايتارىلدى. بۇل وقيعا ەلدىڭ تاريحي جادى ءۇشىن ماڭىزدى سيمۆولعا اينالدى.
ارقالىق قالاسىنىڭ اكىمدىگى
قازاقستان بۇۇ قاۋىپسىزدىك كەڭەسىنە سايلاندى
28 ماۋسىمدا قازاقستان 2017–2018 جىلدارعا بۇۇ قاۋىپسىزدىك كەڭەسىنىڭ تۇراقتى ەمەس مۇشەسى بولىپ سايلاندى. بۇل - ورتالىق ازيا ەلدەرى ءۇشىن تاريحي وقيعا رەتىندە باعالاندى.
2016: قوعامدى ءدۇر سىلكىندىرگەن وقيعالار
Bek Air ۇشاعىنىڭ ءشاسسيسىز قونۋى
27 ناۋرىزدا Bek Air كومپانياسىنىڭ ۇشاعى الدىڭعى ءشاسسيسى ىستەن شىقتى، ءبىراق امان قوندى. ۇشاق بورتىندا 121 ادام بولعان. ابىروي بولعاندا، زارداپ شەككەندەر بولمادى.
توقتار تولەشوۆ ءىسى
2016 جىلى بەلگىلى كاسىپكەر توقتار تولەشوۆكە قاتىستى پروسەسس ەلدى ءدۇر سىلكىندىردى: ۇيىمداسقان قىلمىستىق توپ قۇرۋ، كۇش قولدانۋ ارقىلى بيلىكتى باسىپ الۋعا ۇگىتتەۋ جانە وزگە دە اۋىر باپتار بويىنشا ايىپ تاعىلىپ، سوت 21 جىلعا ۇكىم شىعاردى. ونىڭ مۇلكى دە تاركىلەندى.
اقتوبەدەگى تەراكت
5 ماۋسىمدا شامامەن 25 راديكال مەن يسلاميست اقتوبەدە "پاللادا" قارۋ-جاراق دۇكەنىنە شابۋىل جاسادى. 17 دانا اتىس قارۋىن، وق-دارىلەر مەن پىشاقتاردى قولعا تۇسىرگەن تەرروريستەر ق ر ۇلتتىق ۇلانىنىڭ 6655 اسكەري بولىمىنە شابۋىل جاساۋعا ارەكەتتەندى.
تەرروريستەردىڭ قولىنان سەگىز ادام قازا تاپتى: ءۇش اسكەري قىزمەتكەر جانە بەيبىت تۇرعىندار. ارنايى وپەراسيا كەزىندە 18 تەرروريست قازا بولدى، توعىز ادام ۇستالدى. ولارعا قاتىستى سوت پروسەسى قاراشانىڭ اياعىنا قاراي اياقتالدى. ناتيجەسىندە جەتى تەرروريست ءومىر بويىنا باس بوستاندىعىنان ايىرىلدى، ەكەۋى 20 جانە 25 جىلعا سوتتالدى.
الماتىداعى اتىس
18 شىلدەدە الماتىنى دا ۇرەي باستى. الماتىنى ۇرەي بيلەدى. 26 جاستاعى رۋسلان كۋلەكبايەۆ جالعىز ءوزى المالى اۋداندىق ىشكى ىستەر باسقارماسىنا (المالى رۋۆد)، سونداي-اق ۇقك دەپارتامەنتى مەن سالىق دەپارتامەنتىنىڭ عيماراتتارىنا شابۋىل جاسادى. ناتيجەسىندە قۇقىق قورعاۋ ورگاندارىنىڭ توعىز قىزمەتكەرى قازا تاپتى. ارنايى وپەراسيا بارىسىندا كۋلەكبايەۆ ۇستالدى. كەيىن سوت ونى كىنالى دەپ تانىپ، ءولىم جازاسىنا كەستى.
جۇرت نەگە 2016-نى ساعىنادى؟
ساياسي سوسيولوگيا سالاسىنىڭ ساراپشىسى ايمان ءجۇسىپوۆانىڭ تۇسىندىرۋىنشە، ترەند اۋەلى باتىستا كۇشەيدى: 2016 جىلى ءجاسوسپىرىم بولعان بۋىن ءقازىر TikTok پەن Instagram-نىڭ نەگىزگى اۋديتورياسىنا اينالدى. ولار ءۇشىن 2016 - العاشقى "سانالى سيفرلىق تاجىريبە" ۋاقىتى:
- الەۋمەتتىك جەلى ءومىردىڭ ءبىر بولىگى بولدى،
- ءبىراق بۇگىنگىدەي "ۇنەمى كورىن"، "ۇنەمى دالەلدە"، "ۇنەمى كونتەنت شىعار" قىسىمى قاتتى سەزىلمەدى.