الماتى سەرۆيس جانە تەحنولوگيالار كوللەدجىندە «ەڭبەگى ادال – جاس ورەن» جوباسى اياسىندا ۇيىمداستىرىلعان «ماماندىقتار مارافونى» قالالىق كاسىبي باعدار بەرۋ ءىس-شاراسى مەكتەپ وقۋشىلارى اراسىندا كەڭ اۋقىمدا ءوتتى. بۇل ماڭىزدى باستاما الماتى قالاسىنىڭ بوستاندىق اۋدانىندا ورنالاسقان №37، №215، №140، №224 جانە وزگە دە جالپى ءبىلىم بەرەتىن مەكتەپتەردىڭ وقۋشىلارىنىڭ قاتىسۋىمەن جوعارى دەڭگەيدە ۇيىمداستىرىلدى.
اتالعان ءىس-شارانىڭ باستى ماقساتى – مەكتەپ وقۋشىلارىنا بولاشاق ماماندىقتى سانالى تاڭداۋعا باعىت بەرۋ، ەڭبەككە دەگەن دۇرىس كوزقاراس قالىپتاستىرۋ، سونداي-اق جۇمىسشى جانە قىزمەت كورسەتۋ سالاسىنداعى ماماندىقتاردىڭ قوعامداعى ماڭىزىن كەڭىنەن ناسيحاتتاۋ. «ماماندىقتار مارافونى» جاسوسپىرىمدەر ءۇشىن تەك بايقاۋ عانا ەمەس، ءوز مۇمكىندىكتەرىن تانىپ، قابىلەتىن سىناۋعا ارنالعان ۇلكەن تاجىريبە الاڭىنا اينالدى. بۇگىنگى تاڭدا ماماندىقتى دۇرىس تاڭداۋ – ءاربىر جاس ءۇشىن اسا جاۋاپتى قادام. وسى ورايدا ۇيىمداستىرىلعان مارافون مەكتەپ وقۋشىلارىنا كاسىبي ءبىلىم بەرۋ ۇيىمىنىڭ تىنىس-تىرشىلىگىمەن جاقىن تانىسىپ، ناقتى ءبىر ماماندىقتىڭ ەرەكشەلىگىن تاجىريبە جۇزىندە كورۋگە مۇمكىندىك بەردى. كوللەدج بازاسىندا وتكەن ءىس-شارا وقۋشىلاردىڭ قىزىعۋشىلىعىن ارتتىرىپ، بولاشاققا دەگەن سەنىمىن نىعايتتى.
بايقاۋ بارىسىندا قاتىسۋشىلار ءسان تەحنولوگياسى باعىتى بويىنشا بىرنەشە نوميناسيادا ءوزارا ب ا ق سىنادى. ولار:
كيىم ۇلگىسىنىڭ ەسكيزىن جاساۋ ارقىلى شىعارماشىلىق ويلاۋ قابىلەتىن؛
مانەكەندە ماكەتتەۋ ءتاسىلى ارقىلى كويلەك مودەلىن دايىنداپ، پراكتيكالىق شەبەرلىگىن؛
دايىن بۇيىمدى ساندىك ەلەمەنتتەرمەن بەزەندىرۋ ارقىلى ەستەتيكالىق تالعامىن كورسەتتى.
ءاربىر جۇمىس – وقۋشىنىڭ ءوز قولتاڭباسى مەن ىشكى الەمىنىڭ كورىنىسى بولدى. ۋاقىتتى ءتيىمدى پايدالانۋ، ماتەريالدى دۇرىس تاڭداۋ، ۇقىپتىلىق پەن جاۋاپكەرشىلىك – بايقاۋ بارىسىندا ەرەكشە باعالانعان قاسيەتتەردىڭ ءبىرى بولدى. قاتىسۋشىلاردىڭ جۇمىستارىن تاجىريبەلى وقىتۋشىلار مەن سالا ماماندارىنان قۇرالعان قازىلار القاسى مۇقيات ءارى ءادىل باعالادى. باعالاۋ كەزىندە جۇمىستىڭ يدەيالىق مازمۇنى، شىعارماشىلىق جاڭاشىلدىعى، ورىندالۋ تەحنيكاسى مەن جالپى كوركەمدىك دەڭگەيى باستى نازارعا الىندى. بۇل ءوز كەزەگىندە وقۋشىلاردىڭ كاسىبي تالاپتاردى ەرتە سەزىنۋىنە، ءوز ەڭبەگىنە سىن كوزبەن قاراۋىنا مۇمكىندىك بەردى. ءىس-شارانىڭ اشىلۋ سالتاناتىندا كوللەدج باسشىلىعى ءسوز سويلەپ، مۇنداي بايقاۋلاردىڭ مەكتەپ وقۋشىلارى ءۇشىن ماڭىزىن ەرەكشە اتاپ ءوتتى. وقۋشىلاردى ەرتە جاستان ەڭبەككە باۋلۋ، ءوز قابىلەتىن تانۋعا جاعداي جاساۋ جانە ماماندىق تاڭداۋدا ناقتى باعىت بەرۋ – بۇگىنگى ءبىلىم بەرۋ جۇيەسىنىڭ باستى مىندەتتەرىنىڭ ءبىرى ەكەنى ايتىلدى. سونىمەن قاتار «ماماندىقتار مارافونى» جاسوسپىرىمدەردىڭ بويىندا ءتارتىپ، جاۋاپكەرشىلىك، ەڭبەك مادەنيەتى سەكىلدى قۇندىلىقتاردى قالىپتاستىراتىن تاربيەلىك ءمانى زور ءىس-شارا رەتىندە جوعارى باعالاندى. مۇنداي باستامالار وقۋشىلاردى تەك كاسىبي تۇرعىدا ەمەس، تۇلعالىق جاعىنان دا دامىتۋعا ىقپال ەتەدى.
بايقاۋ قورىتىندىسى بويىنشا ۇزدىك جۇمىستار انىقتالىپ، قاتىسۋشىلار ديپلومدارمەن جانە العىس حاتتارمەن ماراپاتتالدى. الايدا مارافوننىڭ ەڭ باستى ناتيجەسى – جۇلدە ەمەس، وقۋشىلاردىڭ ماماندىققا دەگەن قىزىعۋشىلىعىنىڭ ارتۋى، ءوز بولاشاعىنا سانالى كوزقاراسپەن قاراۋى بولدى. الماتى سەرۆيس جانە تەحنولوگيالار كوللەدجى وسىنداي اۋقىمدى ءارى مازمۇندى ءىس-شارالار ارقىلى مەكتەپ پەن كوللەدج اراسىنداعى بايلانىستى نىعايتىپ، كاسىبي ءبىلىم بەرۋدىڭ ماڭىزىن كەڭىنەن ناسيحاتتاۋدى جالعاستىرىپ كەلەدى. «ماماندىقتار مارافونى» – ادال ەڭبەككە، كاسىبي شەبەرلىككە جانە بولاشاققا سەنىمدى قادام جاساۋعا ۇندەيتىن ماڭىزدى باستامالاردىڭ ءبىرى.
الماتى سەرۆيس جانە تەحنولوگيالار كوللەدجى
ديرەكتوردىڭ وقۋ-تاربيە ءىسى جونىندەگى ورىنباسارى
ارتەلبەك الىشەر شوقان ۇلى