قازاقستان وتاندىق اۆتوتاسىمالداۋشىلاردىڭ مۇددەلەرىن حالىقارالىق نارىقتا قورعاۋ جونىندەگى جۇمىستى جالعاستىرۋدا، دەپ حابارلايدى aqshamnews.kz
جىل سايىن حالىقارالىق تاسىمالدارعا رۇقساتتار الماسۋدى كوزدەيتىن 42 ەلمەن ۇكىمەتارالىق كەلىسىمدەر جاسالدى.
ءراسىمدى جەڭىلدەتۋگە جانە سىبايلاس جەمقورلىق تاۋەكەلدەرىن ازايتۋعا باعىتتالعان شەتەلدىك رۇقسات بلانكىلەرىن بەرۋدىڭ جاڭا ەرەجەلەرى مەن ۇدەرىستەردى اۆتوماتتاندىرۋ جانە وتىنىمدەردى رەسىمدەۋ مەرزىمدەرىن قىسقارتۋ تەتىكتەرى ەنگىزىلدى.
جۇك كولىگىنىڭ قوزعالىسىن باقىلاۋدىڭ سيفرلىق فورماتىنا كوشۋ اۆتوماتتاندىرىلعان ولشەۋ ستانسالارىن (ءاوس) ەنگىزۋ ارقىلى جۇزەگە اسىرىلادى. بۇگىنگى تاڭدا زاڭ بۇزۋشىلىقتاردى اۆتوماتتى تۇردە تىركەۋ ءۇشىن «اكىمشىلىك ءوندىرىستىڭ ءبىرىڭعاي ءتىزىلىمى» جۇيەسىمەن ينتەگراسيالانعان 63 ستانسا (30-ى رەسپۋبليكالىق جولداردا، 33ء-ى جەرگىلىكتى جولداردا) جۇمىس ىستەپ تۇر.
قىتايمەن ۇكىمەتارالىق كەلىسىم راتيفيكاسيالاندى، ونىڭ شەڭبەرىندە قازاقستان جۇڭگو اۋماعى ارقىلى ىشكى ترانزيتتىك اۆتوتاسىمالداۋدى جۇزەگە اسىرۋ قۇقىعىن العان ءبىرىنشى ەل بولىپ وتىر.