بيىل تەمىر جولمەن 10،5 %-عا ارتىق جۇك تاسىمالدانعان

وسى جىلدىڭ توعىز ايىندا تەمىر جول كولىگىمەن جۇك تاسىمالداۋ كولەمى 339،4 ملن توننانى قۇرادى، بۇل 2024 جىلدىڭ سايكەس كەزەڭىمەن سالىستىرعاندا 10،5 %-عا ارتىق، دەپ حابارلايدى aqshamnews.kz

مەملەكەت باسشىسىنىڭ تاپسىرماسىن ورىنداۋ ءۇشىن 2029 جىلعا دەيىن 11 مىڭ شاقىرىم تەمىرجول ۋچاسكەلەرىن جاڭارتۋ جوسپارلانۋدا، ونىڭ ىشىندە بۇگىندە 2،8 مىڭ شاقىرىمنان استام جولعا جاڭعىرتۋ جۇمىستارى جۇرگىزىلدى.

تەڭىز كولىگىمەن 2025 جىلدىڭ 9 ايىندا 6 ملن توننا جۇك تاسىمالداندى، بۇل ءبىر جىل بۇرىنعىمەن سالىستىرعاندا 9%-عا جوعارى. قازاقستاندىق تەڭىز پورتتارى ارقىلى كونتەينەرلىك تاسىمالدار ۇشتەن بىرىنە ۇلعايىپ، 67،2 مىڭ جفە-گە جەتتى.

ماۋسىم ايىندا اقتاۋ پورتىندا كونتەينەرلىك حابتىڭ ءبىرىنشى ىسكە قوسۋ كەشەنى پايدالانۋعا بەرىلدى، جوبا جىل سوڭىنا دەيىن پورتتىڭ وتكىزۋ قابىلەتىن 240 مىڭ جفە-گە دەيىن ارتتىرۋعا مۇمكىندىك بەرەدى.

2025 جىلدىڭ ماڭىزدى وقيعالارىنا مىنالار جاتادى:

 «دوستىق – مويىنتى» تەمىرجولىنىڭ ەكىنشى جەلىسى ىسكە قوسىلدى (836 شاقىرىم)؛
 «قىزىلجار – مويىنتى» جاڭا تەمىرجول جەلىسىنىڭ قۇرىلىسى باستالدى (323 شاقىرىم)؛
 775 لوكوموتيۆ پەن 2،7 مىڭ جايداق ۆاگون جەتكىزىپ بەرۋ كەلىسىمشارتتارىنا قول قويىلدى؛
 بۇكىل ەلىمىز بويىنشا 124 ۆوكزالعا جاڭعىرتۋ جۇمىستارى جۇرۋدە؛
 قۇرىق–باكۋ باعىتىندا قۇرعاق جۇك تاسيتىن 1 كەمە قاتىناي باستادى، تاعى 2 پاروم كەلەدى دەپ كۇتىلۋدە.