ەنەرگەتيكا ءمينيسترى ەلىمىزدىڭ ەنەرگەتيكالىق ينفراقۇرىلىمىن جاڭعىرتۋ جۇمىستارىنىڭ بارىسى تۋرالى باياندادى، دەپ حابارلايدى aqshamnews.kz
ول ەلىمىزدىڭ ەنەرگەتيكالىق جۇيەسى ءتيىستى تالاپتارعا ساي جانە رەسەي مەن ورتالىق ازيا ەلدەرىنىڭ ەنەرگەتيكالىق جۇيەلەرىمەن ۇيلەسىمدى قالىپتا جۇمىس ىستەپ تۇرعانىن اتاپ ءوتتى.
ەلىمىزدە 237 ەلەكتر ستانساسى بار بولسا، ونىڭ 79-ى ءداستۇرلى گەنەراسيا كوزدەرى، قالعانى 158 جاڭارتىلاتىن ەنەرگيا كوزدەرىنەن تۇرادى.
«مينيسترلىك ەنەرگەتيكالىق قاۋىپسىزدىكتى نىعايتۋعا، ينفراقۇرىلىمدى جاڭعىرتۋعا، قۋاتتاردى كەڭەيتۋگە جانە سيفرلىق شەشىمدەردى ەنگىزۋگە باعىتتالعان شارالاردى تۇراقتى نەگىزدە قابىلداپ كەلەدى»،
دەدى ەرلان اقكەنجەنوۆ.
مينيستر 26 گۆت-تان استام جاڭا قۋات كوزدەرىن قوسۋ قاراستىرىلىپ وتىرعان «ەنەرگەتيكا سالاسىن 2035 جىلعا دەيىنگى دامىتۋ جوسپارى» اياسىنداعى جۇمىستار قارقىندى تۇردە جالعاسىپ جاتقانىن ايتتى.
جاڭا قۋاتتاردى ىسكە قوسۋ قولدانىستاعى ستانسالاردى جاڭعىرتۋ ارقىلى دا جانە جاڭا قۋات ءوندىرۋ قوندىرعىلارىن سالۋ ارقىلى دا جۇزەگە اسىرىلادى.