اتىراۋ تۇرعىنى 1892 جىلعى ۆينتوۆكا مەن سوعىس كەزىندە شىققان تاپانشانى پوليسياعا تاپسىردى. وبلىستا 25 ساۋىردەن بەرى اتىس قارۋلارىن، ءوق-دارى، جارىلعىش زاتتاردى ساتىپ الۋ اكسياسى ءوتىپ جاتىر، دەپ حابارلايدى Almaty-akshamy.kz قازاقپارات-قا سىلتەمە جاساپ.
«اكسيا ماقساتى – قارۋلارمەن جاسالاتىن قىلمىستاردىڭ الدىن الىپ، قوعامدىق قاۋىپسىزدىكتى قامتاماسىز ەتۋ. ونىڭ اياسىندا قۇرمانعازى اۋداندىق پوليسيا بولىمىنە 8 ادام ەرىكتى تۇردە زاڭسىز ساقتالعان 9 اتىس قارۋىن سىياقى الۋ ءۇشىن تاپسىردى. ونىڭ ىشىندە 1892 جىلى شىعارىلعان «موسينا» ماركالى ۆينتوۆكاسى بار. ال، «شپاگين» پۋلەمەت تاپانشاسى 1944 جىلى زاۋىتتان شىعارىلعانى انىقتالىپ وتىر. مۇنداي ەسكى قارۋلاردى اتالاردان قالعان كوز رەتىندە ساقتاپ، كەيىنگى ۇرپاققا مۇراعا قالدىرۋدى كوزدەيتىندەر بار. الايدا، بۇل - قارۋدى زاڭسىز ساقتاۋ جولى ەكەنىن ۇمىتپاۋ كەرەك. زاڭسىز ساقتالعان اتىس قارۋلار مەن وق-دارىلەردى ىشكى ىستەر ورگاندارىنا ءوز ەركىمەن تاپسىرعان ازاماتتار قىلمىستىق، اكىمشىلىك جاۋاپكەرشىلىككە تارتىلمايدى»، - دەپ حابارلادى دەپارتامەنتتىڭ باسپا ءسوز قىزمەتى.
وسى ورايدا، پوليسيا قىزمەتكەرلەرى ادام ومىرىنە ءقاۋىپ ءتوندىرۋ، زاقىمدانۋ نەمەسە جاراقاتتانۋدى بولدىرماۋ ءۇشىن كەزدەيسوق تابىلعان جارىلعىش زاتتاردى وزدىگىنەن تاسىمالداماي، «102» تەلەفونى ارقىلى حابارلاۋ قاجەتتىگىن قاپەرگە بەرەدى. ەسكە سالا كەتەلىك، بۇدان بۇرىن اتىراۋدا پوليسەيلەر زاڭسىز ساقتالعان 3 قارۋدى تاركىلەگەن.