مەملەكەت باسشىسى قاسىم-جومارت توقايەۆتىڭ تاپسىرماسىنا سايكەس قازاقستان پالەستيناعا قوسىمشا گۋمانيتارلىق كومەك كورسەتەدى.
اتالعان ماسەلە ق ر پرەمەر-مينيسترىنىڭ ءبىرىنشى ورىنباسارى رومان سكلياردىڭ توراعالىعىمەن وتكەن ۇكىمەتتىك كوميسسيا وتىرىسىندا تالقىلاندى، دەپ حابارلايدى Almaty-akshamy.kz.
Primeminister.kz تاراتقان مالىمەتكە ساي، گۋمانيتارلىق كومەككە جالپى سالماعى 38 توننادان اساتىن ازىق-تۇلىك، توسەك-ورىن جابدىقتارى، دارى-دارمەك جانە مەديسينالىق بۇيىمدار كىرەدى.
جۇكتەر جاقىن ارادا اۋە كولىگىمەن جونەلتىلەدى.
قازاقستاننىڭ قولداۋى گازا سەكتورىندا ورىن العان گۋمانيتارلىق اپاتتى جاعدايعا بايلانىستى پالەستيناعا كومەك كورسەتۋگە باعىتتالعان.
بۇعان دەيىن قازاقستان پالەستينا حالقىنا $1 ملن كولەمىندە گۋمانيتارلىق كومەك كورسەتكەن بولاتىن.