ونىڭ تەڭ جارتىسى "Omir" ۇلتتىق جۇيەسى ارقىلى سەرتيفيكاسيالانعان.
جاسىل تەحنولوگيا نەگىزىندە سالىنعان عيماراتتاردىڭ قۋات كوزدەرىن پايدالانۋ كورسەتكىشى 20-دان باستاپ 60 پايىزعا دەيىن قىسقارادى، دەپ حابارلايدى Almaty-akshamy.kz 24.kz-كە سىلتەمە جاساپ.
بۇگىندە الەم بويىنشا ەنەرگيا ءتاريفىنىڭ ءوسىپ جاتقانىن ەسكەرسەك، بۇل ەكونوميكالىق تۇرعىدا وتە ءتيىمدى، دەيدى ماماندار. ەكولوگيالىق پايداسى دا كوپ. ءبىرىنشى كەزەكتە جوعارىدا ايتىلعان زاماناۋي نىسانداردىڭ ىشكى اۋا اينالىمى جاقسى بولادى. وسى جانە وزگە دە ماسەلەلەر ورتالىق ازياداعى جاسىل قۇرىلىس حالىقارالىق كونفەرەنسياسىندا ايتىلدى.
«بۇل كوبىنە شەتەلدە جاقسى دامىعان. ويتكەنى قۇرىلىس سالاسىنىڭ قورشاعان ورتاعا تيگىزەتىن زيانى وتە كوپ. وسىنىڭ سالدارىن ەسكەرىپ، بۇكىل دۇنيەجۇزىندە وسىنداي ستاندارتتار پايدا بولدى. جاسىل قۇرىلىس سالاسىن دامىتۋعا جۇمىستار جاسالىپ جاتىر بۇكىل دۇنيە ءجۇزى بويىنشا»، - دەيدى قازاقستاننىڭ جاسىل قۇرىلىس جونىندەگى كەڭەسىنىڭ تەحنيكالىق ديرەكتورى ايمان شوپايەۆا.
جيىنعا ازەربايجان، قىرعىزستان، وزبەكستان جانە رەسەي ماماندارى قاتىستى. ولار الەمدەگى جاسىل قۇرىلىستى جوبالاۋدىڭ قىر-سىرىن تالقىلادى. ەكولوگيالىق ماتەريالداردى پايدالانۋ بويىنشا ءتيىمدى يننوۆاسيالىق شەشىمدەر تۋرالى اڭگىمەلەستى. "كومىرتەكتى بەيتاراپتىق" قاعيداتىن ساقتاۋ جانە جاسىل قۇرىلىستى ىنتالاندىرۋ سالاسىنداعى بىلىمدەرىمەن ءبولىسىپ، ءوزارا تاجىريبە الماستى. شارا سوڭىندا كونفەرەنسياعا قاتىسۋشى ەلدەردىڭ "جاسىل قۇرىلىس جونىندەگى كەڭەس" وكىلدەرى ءوزارا ىنتىماقتاستىق تۋرالى كوپجاقتى مەموراندۋمعا قول قويىلدى.