قازاقستان رەسپۋبليكاسى كولىك مينيسترلىگى اۆتوموبيل جولدارى كوميتەتى ءتوراعاسىنىڭ ورىنباسارى ماقسات باياحمەت قازاقستان مەن موڭعوليا اراسىنداعى كولىك سالاسىنداعى ىنتىماقتاستىق تۋرالى كەلىسىمدى تالقىلاۋ جونىندەگى كەزدەسۋگە قاتىستى.
كەزدەسۋ اياسىندا اۆتوجول سالاسىنداعى ءوزارا ىس-ارەكەتتىڭ نەگىزگى ماسەلەلەرى تالقىلانىپ، مەملەكەتتەر اراسىندا جاڭا اۆتوموبيل جولىن سالۋ جايىندا سۇراقتار پىسىقتالدى، دەپ حابارلايدى aqshamnews.kz.
اۆتوجولدىڭ جاڭا باعىتى موڭعوليا شەكاراسىنا قاراي شىعاتىن وسكەمەن، ريددەر قالالارى جانە تۋەكتا (رەسەي فەدەراسياسى) ەلدى-مەكەنى ارقىلى وتپەك. بولجامدى جاڭا مارشرۋتتىڭ قازاقستاندىق ۋچاسكەسى – وسكەمەن قالاسىنان رەسەي فەدەراسياسىنىڭ شەكاراسىنا دەيىنگى ارالىقتا سالىندى. ونىڭ جالپى ۇزىندىعى 189 شاقىرىم، 62 شاقىرىمدا كۇردەلى جانە ورتاشا جوندەۋ جۇمىستارى اتقارىلادى. مارشرۋتتىڭ باسىم بولىگى رەسەي فەدەراسياسىنىڭ اۋماعىندا وتەدى، ەگەر رەسەي تاراپىنىڭ جول سالۋعا كەلىسىمى بولسا، مارشرۋت 837 شاقىرىمدى قۇرايدى.
ال ءقازىر قولدانىستاعى «وسكەمەن – رۋبسوۆسك – بارناۋل – تۋەكتا اۆتوموبيل جولى – موڭعوليا شەكاراسى» تاسجولىنىڭ ۇزىندىعى 1 604 شاقىرىمدى قۇرايدى.
جاڭا جولدىڭ قۇرىلىسى جول ءجۇرۋ ۋاقىتىن ەداۋىر قىسقارتىپ، قازاقستان مەن موڭعوليا اراسىنداعى كولىك بايلانىسىن جاقسارتىپ قانا قويماي، ەكونوميكالىق جانە مادەني بايلانىستاردى نىعايتۋداعى ماڭىزدى قادام بولماق.